هــــه‌واڵ كــوردى
ئيران جاريگتر ناوچه‌يگ له‌ كوردسان بۆردومان كرد

ئيران جاريگتر ناوچه‌يگ له‌ كوردسان بۆردومان كرد


شه‌فه‌ق نيوز/ مه‌دفه‌عيه‌ى ئيرانى، جاريگتر ئه‌را دويه‌م رووژ له‌سه‌ر يه‌ك ده‌سكرده‌ بۆردومانكردن به‌رزايه‌يليگ له‌ ده‌ورگرد سێگۆشه‌ى مه‌رزێ له‌ هه‌رێم كوردستان.

 

سه‌رچه‌وه‌يگ ناوچه‌يى وت: ده‌مه‌و شه‌وه‌كى ئمڕوو مه‌دفه‌عيه‌يل ئيرانى وه‌ شيوه‌يگ فراوان به‌رزايه‌يل به‌ربزينيان بۆردومان كردنه‌ له‌ ناوچه‌ى برادۆست مه‌رزێ له‌ناونى هه‌رێم كوردستان و ئيران وه‌ مه‌هانه‌ى وجوود چه‌كداره‌يل له‌ حزبه‌يل ئۆپۆزسيۆن ئيرانى له‌و ناوچه‌يله‌.

 

جى باسه‌، سه‌رچه‌وه‌گه‌ هه‌ميش وت: ئه‌و بۆردومانه‌ بويه‌سه‌ هووكار ئه‌وه‌ك مه‌ردم ئه‌و ناوچه‌يله‌ شوونه‌يليان بيلنه‌جێ، يه‌يش بيجگه‌ سزيان ده‌يان دۆنم و باخ و بووسانه‌يل كشتوكاڵى.