هــــه‌واڵ عــیراق
عه‌بادى و يڵدريم قودس و په‌يوه‌ندى ئه‌نقه‌ره‌و به‌غدا تاوتوێ كردن

عه‌بادى و يڵدريم قودس و په‌يوه‌ندى ئه‌نقه‌ره‌و به‌غدا تاوتوێ كردن


شه‌فه‌ق نيوز/ حه‌يده‌ر عه‌بادى سه‌رۆك حكومه‌ت عراقى وه‌ل بن عه‌لى يڵدريم سه‌رۆك حكومه‌ت توركى باس له‌ روێداگه‌يل سياسى له‌ عراق و دويا روێداگه‌يل له‌ناو خاكه‌يل فلستينى كرد.

 

حكومه‌ت عراقى له‌ به‌ياننامه‌يگ وت: حه‌يده‌ر عه‌بادى له‌ په‌يوه‌ندييگ ته‌له‌فۆنى وه‌ل يڵدريم باس له‌ بته‌وكردن هاوكارى ناونى هه‌ردوگ وڵات و بارودوخ ناوچه‌گه‌ كردنه‌.

 

به‌ياننامه‌گه‌ وت: سه‌رۆك وه‌زيره‌يل توركى ئاماژه‌ وه‌و بڕياره‌گه‌ى وڵاته‌يل يه‌كگرتگ داگه‌ له‌باره‌ى وازكردن باڵوێزخانه‌ى ئه‌مريكا له‌ قودس وه‌ ئه‌وه‌گ ناڕه‌زايى فريه‌يگ له‌لى كه‌فته‌سه‌وه‌و له‌ئاكام ناكووكى ناونى هيزه‌يل ئسرائيلى و مه‌ردم خوه‌ينيشانده‌ر فلستينى ده‌يان هاووڵاتى فلستينى كوشيانه‌.

 

جى باسه‌، به‌ياننامه‌گه‌ هه‌ميش وت: عه‌بادى ئه‌و بڕياره‌ شه‌رمه‌زار كردگه‌ وه‌ ئه‌وه‌گ بڕياريگه‌ يه‌كلايه‌نى و هويچ چشتيگ له‌ راسيه‌يل قودس ئاڵشت ناكا.