هــــه‌واڵ جیــهانى
په‌نج ده‌وڵه‌ت وه‌ ئه‌ندامێتى ئه‌نجومه‌ن ئاسايش هه‌ڵوژريان ئه‌را ماوه‌ى 2 ساڵ

په‌نج ده‌وڵه‌ت وه‌ ئه‌ندامێتى ئه‌نجومه‌ن ئاسايش هه‌ڵوژريان ئه‌را ماوه‌ى 2 ساڵ


شه‌فه‌ق نيوز/ كۆمه‌ڵه‌ى گشتى سه‌ر وه‌ نه‌ته‌وه‌يل يه‌كگرتگ، هه‌ر يه‌ك له‌ ئه‌ڵمانيا و به‌لجيكاو باشوور ئه‌فريقيا و كۆمار دۆمه‌نيكان و ئه‌نده‌نوسيا ئه‌را ئه‌ندامێتى ئه‌نجومه‌ن ئاسايش هه‌ڵوژان ئه‌را ماوه‌ى 2 ساڵ ك له‌ يه‌ك يه‌نايه‌ر 2019 ده‌س وه‌پى ئه‌كا.

 

ئه‌نده‌نوسيا ده‌نگه‌يل زياتريگ وه‌ده‌سهاورد ئه‌را سه‌ركه‌فتن له‌بان ئه‌و ته‌نيا كورسيه‌ ك ناوچه‌ى ئاسيا و زه‌رياى ئارام ركابه‌رى له‌بانى كردن ئه‌ويش وه‌ 144 ده‌نگ له‌ وه‌رانوه‌ر 46 ده‌نگ ئه‌را دويرگه‌ى ماڵديف.

 

جى باسه‌، ئه‌و چوار ده‌وڵه‌ته‌گه‌ى تر جوور ئه‌وه‌گ ئاژانس روێته‌رز باس له‌لى كرد و شه‌فه‌ق نيوز ئاگادارى بوى، ركابه‌ر نه‌ياشتنه‌.