هــــه‌واڵ جیــهانى
نرخ نه‌فت له‌ بازاڕه‌يل جه‌هانى داوه‌زێ

نرخ نه‌فت له‌ بازاڕه‌يل جه‌هانى داوه‌زێ


شه‌فه‌ق نيوز/ ئمڕوو نرخ نه‌فت دوياى ئه‌وه‌گ ئاماره‌يل ده‌ركه‌فت له‌باره‌ى به‌رزه‌وبوين نه‌فت خه‌زنكرياێ ئه‌مريكى داوه‌زينيگ ناپيشبينى كرياێ وه‌خوه‌يه‌و دێ دوياى زه‌ره‌د فريه‌يگ.

 

نرخ نه‌فت خام تيكه‌ڵ وه‌ برنت نزيكه‌ى 36 سه‌نت داوه‌زێ ك ئه‌گاده‌ 0.4 له‌سه‌د و هه‌ر به‌رميليگى ره‌سيه‌ 73.91 دۆلار، يه‌يش زه‌ره‌ده‌يلى زياى كرد و ره‌سيه‌ 1.8 له‌سه‌د له‌ دانيشتن وه‌رين.

 

نرخ نه‌فت خام خوه‌ر\ئاواى تكساسيش 37 سه‌نت داوه‌زێ ك يه‌يش ئه‌كاده‌ 0.5 له‌سه‌د و هه‌ر به‌رميليگى ره‌سيه‌ 68.39 دۆلار، چه‌وه‌ڕێ ئه‌وه‌يش ئه‌كريه‌يد ئداره‌ى زانياريه‌يل وزه‌ى ئه‌مريكى به‌يانات خوه‌ى وه‌ ته‌مامى ئاشكرا بكا له‌باره‌ى نه‌فته‌يل خه‌زنكرياێ.