هــــه‌واڵ كــوردى
بارزانى داواێ به‌ڵێ ئه‌را سه‌روه‌خوه‌يى له‌ ملله‌ت كوردستان ئه‌كا

بارزانى داواێ به‌ڵێ ئه‌را سه‌روه‌خوه‌يى له‌ ملله‌ت كوردستان ئه‌كا


شه‌فه‌ق نيوز/ نه‌يچێروان بارزانى سه‌رۆك وه‌زيره‌يل هه‌رێم كوردستان داوا له‌ ملله‌ت هه‌رێم كوردستان كرد ده‌نگ وه‌ به‌ڵێ بيه‌ن ئه‌را سه‌روه‌خوه‌يى له‌ عراق له‌ وه‌خت ئه‌نجامداين راپرسى ك بڕياره‌ له‌ 25 ئه‌يلوول ئاينده‌ ئه‌نجام بگرێد و له‌ هه‌مان وه‌خت داوايش له‌ هووكاره‌يل ره‌سانن كوردى كرد پشتگيرى سه‌روه‌خوه‌يى بكه‌ن و ره‌خنه‌يش له‌ بڕيگ له‌و هووكاره‌يل ره‌ساننه‌ گرت ك رۆڵ خراو ديرن له‌بان رخه‌وبردن ملله‌ت له‌ ماف بڕيار چاره‌نويس.

 

بارزانى وت: راپرسى مافيگ سروشتى و ره‌واێ ملله‌ت كوردستانه‌و تايبه‌ت نيه‌ وه‌ لايه‌نيگ سياسى يا حزبى وه‌بى حزبه‌يل تر و نه‌بايه‌د هويچ كه‌سيگ ئى كاره‌ بخاده‌ پاڵ خوه‌ێ و ئى راپرسييشه‌ ده‌رفه‌تيگه‌ ئه‌را گوزارش وه‌شيوه‌يگ مه‌ده‌نى و ژيارى دوير له‌ تون و تيژى و كوشتار له‌وه‌ر ره‌سانن مه‌يل ملله‌ت كوردستان وه‌ سه‌روه‌خوه‌يى ئه‌را گشت جه‌هان و ئسپاتى بكه‌يم ك ئيمه‌ هووكار سه‌قامگيرييم له‌ ناوچه‌گه‌.

 

جى باسه‌، بارزانى هه‌ميش وت: بايه‌سه‌ له‌بان هووكاره‌يل ره‌سانن كورد پشتگيرى ئه‌نجامداين راپرسى و مه‌يل ملله‌ت كوردستان له‌ سه‌روه‌خوه‌يى بكه‌ن و ئاماژه‌ وه‌يه‌يش كرد ك راپرسى موڵك گشتمانه‌و بايه‌سه‌ خاڵ ده‌سوه‌پيكردن يه‌كگرتن گشت لايه‌ن و حزب و هيزه‌يل سياسى بوود و سه‌ركه‌فتن راپرسييش وه‌ نه‌ف گشت لايگمانه‌ و ئه‌وه‌ێده‌مان وه‌ره‌و سه‌روه‌خوه‌يى.