هــــه‌واڵ عــیراق
جفتياره‌يل كوردستان شكايه‌ت دژ عبادى به‌رزه‌و ئه‌كه‌ن

جفتياره‌يل كوردستان شكايه‌ت دژ عبادى به‌رزه‌و ئه‌كه‌ن


شه‌فه‌ق نيوز/ شماره‌يگ له‌ جفتياره‌يل له‌ پاريزگاى هه‌ڵه‌بجه‌ له‌ هه‌رێم كوردستان، خوه‌ينيشانداينيگ ناڕه‌زايه‌تى دژ نه‌داين هه‌قده‌س داراييان له‌ حكومه‌ت ناوه‌نديه‌و له‌ به‌غدا سازز كردن و له‌تى داكووكى له‌ به‌رزه‌وكردن شكايه‌تيگ دادوه‌رى ده‌رهه‌ق حه‌يده‌ر عبادى سه‌رۆك ئه‌نجومه‌ن وه‌زيره‌يل كردن له‌وه‌ر وه‌جى ناودرن قه‌وڵه‌يلێ و سه‌رپيچيكردنى له‌ ياسا له‌ى باوه‌ته‌و.

 

له‌ى باوه‌ته‌, هۆشمه‌ند حه‌مه‌ ساڵح قسه‌كه‌ر وه‌ناو خوه‌ينيشانده‌ره‌يل له‌ به‌ياننامه‌يگ ئه‌را رووژنامه‌نويسه‌يل وت: ئه‌گه‌ر عبادى دگان وه‌ ئه‌وه‌ ئه‌نه‌ێد ئيمه‌ عراقييم با هه‌قه‌يل داراييمان بيه‌ێد ك تائيسه‌ خه‌رج نه‌كرياگه‌.

 

جى باسه‌، به‌ياننامه‌گه‌ هه‌ميش وت: ئه‌گه‌ر عبادى هه‌قده‌سه‌يل داراييمان نه‌يه‌ێد ئه‌وه‌ ئيمه‌ روێ له‌ ياسا ئه‌كه‌يم و شكايه‌تى ئه‌كه‌يم و داوايش له‌ جفتياره‌يل كرد خوه‌ينيشانداين گه‌ورايگ ساز بكه‌ن له‌وه‌رده‌م نويسينگه‌ێ نه‌ته‌وه‌يل يه‌كگرتگ له‌ سلێمانى له‌باره‌ێ وه‌رنه‌گرتن هه‌قده‌سه‌يليان.