هــــه‌واڵ عــیراق
ماوه‌ێ قه‌رز كارمه‌نده‌يل ده‌وڵه‌ت دريژه‌و كريا ئه‌را 15 ساڵ

ماوه‌ێ قه‌رز كارمه‌نده‌يل ده‌وڵه‌ت دريژه‌و كريا ئه‌را 15 ساڵ


شه‌فه‌ق نيوز/ بانك رافده‌ين ئاشكراى دريژه‌وكردن ماوه‌ێ داينه‌وه‌ێ قه‌رزه‌يل كرد ك درياسه‌ كارمه‌نده‌يل ده‌وڵه‌ت له‌لايه‌ن بانكه‌گه‌ ئه‌را 15 ساڵ له‌جياێ 10 ساڵ.

 

له‌ى باوه‌ته‌و، نوسينگه‌ێ ره‌سانن بانكه‌گه‌ له‌ به‌ياننامه‌يگ ئه‌را(شه‌فه‌ق نيوز)وت: بانكه‌گه‌ له‌وه‌ر فريه‌يى داواكارى له‌لايه‌ن كارمه‌نده‌يل ده‌زگايه‌يل ده‌وڵه‌ت ئه‌راێ له‌باره‌ى دريژه‌وكردن ماوه‌ێ قه‌رزه‌يل و وه‌ بوونه‌ێ كه‌مه‌وبوين مووچه‌يليان بڕيار دا ماوه‌ێ داينه‌وه‌ێ قه‌رزه‌يلى له‌ 10 ساڵه‌و بكريه‌ێده‌ 15 ساڵ.

 

جى باسه‌، بانك رافده‌ين يه‌يش ده‌رخست ك ريژه‌ێ نه‌فكردن له‌و قه‌رزه‌يله‌ ره‌سيه‌سه‌ 8%.