هــــه‌واڵ كــوردى
پێشمه‌رگه‌ دويا روێداگه‌يل گله‌وخواردنى ئه‌را ناوچه‌يل كيشه‌ له‌سه‌ر ئاشكرا كرد

پێشمه‌رگه‌ دويا روێداگه‌يل گله‌وخواردنى ئه‌را ناوچه‌يل كيشه‌ له‌سه‌ر ئاشكرا كرد


شه‌فه‌ق نيوز/ وزاره‌ت پێشمه‌رگه‌، ئاشكراى نه‌وين گفتگووه‌يل فه‌رمى كرد له‌ناونى حكومه‌ت عراقى و حكومه‌ت هه‌رێم له‌باره‌ى گله‌وخواردن هيزه‌يل پێشمه‌رگه‌ ئه‌را ناوچه‌يل كيشه‌ له‌سه‌ر، وه‌لێ ته‌نيا ئاماژه‌ وه‌ وجوود گفتگووه‌يل ناوده‌وڵه‌تى كرد سه‌باره‌ت وه‌ى دوسيه‌.

 

جه‌بار ياوه‌ر ئه‌ميندار گشتى وزاره‌ت پێشمه‌رگه‌ له‌ كۆنگره‌يگ رووژنامه‌گه‌رى ئه‌وه‌ ده‌رخست ك وزاره‌ته‌گه‌ى تائيسه‌ هويچ دانيشتنيگ وه‌ل وزاره‌ت وه‌رگرى له‌ حكومه‌ت ناوه‌ندى ئه‌نجام نه‌ياگه‌ له‌باره‌ى گله‌وخواردن پێشمه‌رگه‌ ئه‌را ناوچه‌يل كيشه‌ له‌سه‌ر و ته‌نيا گفتگووه‌يل ناوده‌وڵه‌تى وجوود ديرێد له‌ى باوه‌ته‌و.

 

جى باسه‌، ياوه‌ر هه‌ميش وت: گله‌وخواردن هيزه‌يل پێشمه‌رگه‌ ئه‌را ناوچه‌يل كيشه‌ له‌سه‌ر هه‌وه‌جه‌ى ره‌سين وه‌ ريككه‌فتنيگ زويتر ديرێد له‌ناونى هه‌ولێر و به‌غدا.