هــــه‌واڵ عــیراق
ناديه‌ موراد و ماكفيغا خه‌ڵات نۆبڵ وه‌ده‌سهاوردن

ناديه‌ موراد و ماكفيغا خه‌ڵات نۆبڵ وه‌ده‌سهاوردن


شه‌فه‌ق نيوز/ ليژنه‌ى خه‌ڵات نۆبڵ، ئاشكراى داين خه‌ڵات نۆبڵ ئه‌را ئاشتى ئه‌را ساڵ 2018 وه‌ ناديه‌ موراد چالاكوان ئێزيدى كورد عراقى و دينيس ماكفيغا پزيشك كۆنغۆلى كرد وه‌ بوونه‌ى كاره‌گه‌ى دژ ئستغلال ده‌سدريژى جنسى جوور چه‌ك له‌وه‌خت جه‌نگ.

 

له‌بان ئى خه‌ڵاته‌ 331 كانديد ركابه‌رى كردن، ك 216 كه‌س و 115 ريكخرياگ بوين، ك ئى شماره‌ى گه‌ورايشه‌ ئه‌را كانديده‌يل ئه‌و خه‌ڵاته‌سه‌ دوياى كانديده‌يل ساڵ 2016 ك شماره‌يان 376 كانديده‌.

 

جى باسه‌، ناديه‌ موراديش يه‌كيگه‌ له‌و هه‌زار ئافره‌ته‌يل و دويته‌يل ئێزيديه‌ ك له‌لايه‌ن ريكخرياگ داعشه‌و رفيان و وه‌ رۆڵ گه‌ورايگه‌و به‌شدارى كرد له‌ ده‌رخستن قوربانيه‌يل تون وتيژى جنسى له‌ جه‌نگه‌يل له‌ڕێ نيشانداين كيشه‌گه‌ى، يه‌يش دوياى ئه‌وه‌گ تويه‌نستن له‌ده‌س تيرۆريسته‌يل بهه‌يواێد ك مه‌ردم ئاوايه‌گه‌ى كوشتن و له‌وانه‌يش دايگى و 6 خوه‌يشگ وبراى.