هــــه‌واڵ عــیراق
"ده‌ليل بياوان" له‌ ريكخرياگ داعش ده‌سگير كريا

"ده‌ليل بياوان" له‌ ريكخرياگ داعش ده‌سگير كريا


شه‌فه‌ق نيوز/ وه‌ڕيه‌وبه‌رايه‌تى پۆليس نه‌جه‌ف ئاشكراى ئه‌وه‌ كرد شانه‌ى هه‌ڵۆيه‌يل هه‌واڵگيرى له‌ پاريزگاى نه‌جه‌ف تيرۆريستيگ خه‌ته‌رناك ده‌سگير كردنه‌ ك گرنگترين كه‌سيگ بويه‌ له‌ رێ نيشانده‌ره‌يل داعش.

 

وه‌ڕيه‌وبه‌رايه‌تيه‌گه‌ له‌ به‌ياننامه‌يگ وت: شانه‌ى هه‌ڵۆيه‌يل هه‌واڵگيرى وه‌ هه‌ماهه‌نگى وه‌ل به‌ش هه‌واڵگيرى هيزه‌يل سنوور ناوچه‌ى په‌نج تويه‌نستنه‌ (عگێل عه‌بد مه‌لاجى ئه‌لحه‌يانى) ناسرياێ وه‌ ئه‌بو فه‌لاح ئه‌لحه‌يانى ده‌سگير بكه‌ن ك يه‌كيگه‌ له‌ گرنگترين "رێ نيشانده‌ر بياوان" له‌ ريكخرياگ داعش و وه‌رپرس يه‌كه‌م بويه‌ له‌بان شوونه‌يل نهێنى و سه‌ربازگه‌يل له‌ بياوانه‌يل و جيوازكردن تيرۆريسته‌يل له‌ڕێ بياوانه‌يله‌و.

 

به‌ياننامه‌گه‌ يه‌يش ده‌رخست ئه‌و تيرۆريسته‌ دگان وه‌ ئه‌وه‌يش ناگه‌ ك يه‌كيگ له‌ كوڕه‌يليشى له‌ بۆردومانيگ ئاسمانى كوشياگه‌ له‌وه‌ختيگ هه‌وڵ جيوازكردن بڕيگ له‌ خوه‌يكوشه‌يل داگه‌ له‌ سورياوه‌ ئه‌را عراق.