هــــه‌واڵ كــوردى
وه‌زير وه‌رگرى ئيتاڵيا دوياى وشدارێ له‌ به‌غدا ره‌سيه‌ هه‌ولێر

وه‌زير وه‌رگرى ئيتاڵيا دوياى وشدارێ له‌ به‌غدا ره‌سيه‌ هه‌ولێر


شه‌فه‌ق نيوز/ ئه‌ليزابيتا ترينتا، وه‌زير وه‌رگرى ئيتاڵى له‌ سه‌ردانيگ فه‌رمى له‌شوون گفتگووه‌يليگ ك وه‌ل به‌غدا ئه‌نجاميدا، ره‌سيه‌ هه‌ولێر.

 

برياره‌ ترينتا چه‌وێ بكه‌فێده‌ وه‌رپرسه‌يل له‌ حكومه‌ت هه‌رێم كوردستان له‌وه‌ر باسكردن ده‌سميه‌ته‌يل سه‌ربازێ ئه‌را پێشمه‌رگه‌و له‌ناوبردن تيرۆر.

 

ترينتا له‌وه‌خت ره‌سينى ئه‌را به‌غدا وشدارى ئه‌وه‌ داو وت: ريكخرياگ تيرۆريستى داعش مه‌ترسى دروس كردگه‌ نه‌ك ته‌نيا له‌بان عراقيه‌يل، به‌ڵكوو له‌بان ئيمه‌يش وه‌گشتى، ك هه‌رچه‌نى له‌ڕوێ سه‌ربازيه‌و ده‌ركريان، وه‌لێ هيمان تووڕه‌يليگ قايم دارايى هه‌ن پشتگيرى له‌و ريكخرياگه‌ ئه‌كه‌ن و هه‌ر وه‌و خاتريشه‌ بايه‌سه‌ ئه‌و گرووپه‌يل تيرۆريستيه‌ نه‌مينن.