هــــه‌واڵ كــوردى
ده‌روازه‌يگ ناوده‌وڵه‌تى له‌ ناونى توركيا و هه‌رێم كوردستان واز ئه‌دێ

ده‌روازه‌يگ ناوده‌وڵه‌تى له‌ ناونى توركيا و هه‌رێم كوردستان واز ئه‌دێ


شه‌فه‌ق نيوز/ بڕياره‌ ده‌روازه‌ى تازه‌يگ ناوده‌وڵه‌تى له‌ ناونى هه‌رێم كوردستان و توركيا واز بدێ له‌ خاڵيگ ك هه‌ردوگ پاريزگاى هه‌ولێر و سلێمانى په‌يوه‌س بكاده‌ هه‌كارى توركى.

 

له‌ى باوه‌ته‌و، غه‌فور ئه‌حمه‌د قايمقام قه‌زاى مێرگه‌ سوور له‌ لێدوانيگ رووژنامه‌گه‌رى ك (شه‌فه‌ق نيوز) ئاگادارى بوى، وت: له‌ ساڵ 2014 ريككه‌فتن له‌بان وازكردن ده‌روازه‌ى "زيت" كرياگه‌ له‌ مه‌رز ناونى هه‌رێم كوردستان و توركياو هه‌ر وه‌و خاتريشه‌ شانديگ له‌ حكومه‌ت هه‌رێم و پاريزگاى هه‌ولێر و پاريزگاى هه‌كارى توركى دانيشتنه‌يليگ ئه‌را وازكردن ئه‌و ده‌روازه‌ ئه‌نجام دانه‌.

 

جى باسه‌، غه‌فور هه‌ميش وت: ئى ده‌روازه‌ فه‌رمى و ناوده‌وڵه‌تيه‌و ئه‌كه‌فێده‌ ئاوايى "زيت" له‌ ناحيه‌ى شيروان گه‌وراو ديم توركى له‌ى ده‌روازه‌ بنياتى ته‌مام كردگه‌و حكومه‌ت هه‌رێم له‌وه‌ر قه‌يران دارايى و په‌لاماره‌يل داعش هيمان ده‌س وه‌ ئاماده‌كردنى نه‌كردگه‌.