هــــه‌واڵ كــوردى
يه‌كێتى نيشتمانى ئاشكراى زيايبوين ده‌نگه‌يلى كرد له‌ كه‌ركوك

يه‌كێتى نيشتمانى ئاشكراى زيايبوين ده‌نگه‌يلى كرد له‌ كه‌ركوك


شه‌فه‌ق نيوز/ يه‌كێتى نيشتمانى كوردستان ئاشكراى زیادكردن شمارەی دەنگەيلى كرد، وه‌ ئه‌وه‌يش شمارەی كورسیەيل وەك خوه‌ی ميننه‌وه‌و هويچ كورسييگ كه‌م ناكا.  

 

له‌ى باوه‌ته‌و، خالد شوانى سه‌ركرده‌ له‌ يه‌كێتى نيشتمانى كوردستان له‌ كۆنگره‌يگ رووژنامه‌گه‌رى هاوبه‌ش وه‌ل رێبوار ته‌ها سه‌رۆك ليست يه‌كێتى وت: شماره‌ى كورسيه‌يلمان له‌ كه‌ركوك وه‌ 8 كورسيه‌گه‌ى خوه‌ى مه‌نده‌سه‌وه‌و دوياى شماردنه‌وه‌ى ده‌نگه‌يل وه‌ده‌س، به‌ڵكوو ده‌نگه‌يل يه‌كێتييش زياتر له‌ئه‌وسا ده‌رچيه‌.

 

شوانى هه‌ميش وت: ئى شماردن و جياكردنه‌وه‌ى وه‌ده‌س كورسيه‌يله‌ ئه‌وه‌ ده‌رخست ك لێدوان بڕێگ له‌ لايه‌نه‌يل وه‌ ئه‌وه‌گ يه‌كێتى نيشتمانى ساخته‌كارى له‌ كه‌ركوك كردگه‌ دوير له‌ڕاسى خسته‌و، به‌ڵكوو بايه‌سه‌ له‌بانى روێ وه‌ڕوێ دادگا بدێده‌و دوياى ئه‌وه‌گ سكاڵا له‌بانى تۆمار كريا.

 

لاى خوه‌يه‌و، رێبوار ته‌ها وت: يه‌كێتى پابه‌ند بويه‌ وه‌ سياسه‌ت ئارامى دوياى ئه‌نجامداين هه‌ڵوژاردنه‌يل و ئه‌و تومه‌ته‌يله‌ ك ئاراسته‌ى كريا له‌ كه‌ركوك و ئاماژه‌ وه‌يه‌يش كرد ك پابه‌نديشه‌ وه‌ گشت بڕياره‌يل ئه‌نجومه‌ن كومسياره‌يل له‌ كۆمسيۆن باڵاى سه‌روه‌خوه‌ى هه‌ڵوژاردنه‌يل له‌وه‌ر ئاشتى پاريزى له‌ كه‌ركوك.