هــــه‌واڵ كــوردى
ئه‌نداميگ هووكار خوه‌يكيشانه‌وه‌ى په‌رله‌مانتاره‌يل پارتى ويه‌كێتى له‌ دانيشتن په‌رله‌مان ئاشكرا كرد

 ئه‌نداميگ هووكار خوه‌يكيشانه‌وه‌ى په‌رله‌مانتاره‌يل پارتى ويه‌كێتى له‌ دانيشتن په‌رله‌مان ئاشكرا كرد


شه‌فه‌ق نيوز/ ئه‌نداميگ له‌ ئه‌نجومه‌ن نوێنه‌ره‌يل عراقى له‌بان فراكسيۆن پارت ديموكرات كوردستان، هووكار خوه‌يكيشانه‌وه‌ى نوێنه‌ره‌يل پارت ديموكرات كوردستان و يه‌كێتى نيشتمانى كوردستان له‌ دانيشتن يه‌كه‌م ئه‌نجومه‌ن نوێنه‌ره‌يل عراقى له‌ خول تازه‌ێ ئاشكرا كرد.

 

دانا جه‌زا ئه‌ندام فراكسيۆن پارتى له‌ ئه‌نجومه‌ن نوێنه‌ره‌يل عراقى له‌ لێدوانيگ رووژنامه‌گه‌رى وت: هه‌ردوگ حزب سه‌ره‌كى كوردستان دانيشتنه‌ وه‌جى هيشتنه‌ تا نه‌ونه‌ به‌شيگ له‌و لايه‌نه‌يله‌ ك ئه‌خوازن ئاشكراى كوتله‌ى گه‌ورا بكه‌ن.

 

جى باسه‌، جه‌زا هه‌ميش وت: كورد تائيسه‌ مه‌سه‌له‌ى چگنيان وه‌ناو هه‌ر هاوپه‌يمانێيه‌تييگ يه‌كلاوه‌ نه‌كردنه‌و باس له‌وه‌يش كرد پارتى و يه‌كێتى دويه‌شه‌و دانيشتنه‌يليان وه‌رده‌وام بويه‌، وه‌لێ هويچ په‌ياميگ نه‌ڕه‌سيه‌سه‌ نوێنه‌ره‌يل.