هــــه‌واڵ كــوردى
شاند راپرسێ كوردستان واده‌ێ سه‌ردان ئه‌را به‌غدا ديارێ كرد

شاند راپرسێ كوردستان واده‌ێ سه‌ردان ئه‌را به‌غدا ديارێ كرد


شه‌فه‌ق نيوز/ شاند سپارياگ له‌لايه‌ن ليژنه‌ێ باڵاێ راپرسى هه‌رێم كوردستانه‌و ئه‌را دانيشتن وه‌ل حكومه‌ت ناوه‌ندێ له‌ به‌غدا كووتايى وه‌ دانيشتنيگ هاورد ك له‌شار هه‌ولێر پايته‌خت هه‌رێم ساز كريا.

 

له‌ى باوه‌ته‌و، سه‌عدى ئه‌حمه‌د پيره‌ ئه‌ندام ليژنه‌گه‌ له يه‌كێتى نيشتمانى كوردستان له‌ لێدوانيگ ئه‌را رووژنامه‌نويسه‌يل وت: شانده‌گه‌ هه‌فته‌ێ ئاينده‌ سه‌ردان به‌غدا ئه‌كا.

 

له‌لايه‌ن خوه‌ييشه‌و، فوئاد حسێن سه‌رۆك ديوان سه‌رۆكايه‌تى هه‌رێم وت: دانيشتنيگ تريش هه‌س ك لايه‌ن شانده‌گه‌وه‌ ساز ئه‌كريه‌ێد ئه‌را تاوتويكردن دوسيه‌يل تر، ئه‌ويش له‌ ئاماژه‌يش ئه‌را چه‌وه‌ڕێكرى به‌شداريكردن بزووتنه‌وه‌ێ گۆڕان و جه‌ماعه‌ت ئسلامى كوردستان له‌ چوارچيوه‌ێ شانده‌گه‌.