هــــه‌واڵ جیــهانى
نرخ نه‌فت داوه‌زێ و چه‌وه‌ڕێ "وته‌ى ترامپ" كريه‌ێد

نرخ نه‌فت داوه‌زێ و چه‌وه‌ڕێ "وته‌ى ترامپ" كريه‌ێد


شه‌فه‌ق نيوز/ نرخ نه‌فت له‌ به‌رزترين ئاسته‌يلى ئه‌را ماوه‌ى سێ ساڵ و نيم، ئمڕوو داوه‌زێ، يه‌يش دوياى ئه‌وه‌ وه‌به‌رهاوه‌ره‌يل چه‌وه‌ڕێ ئعلانه‌گه‌ى دوناڵد ترامپ سه‌رۆك ئه‌مريكى ئه‌كه‌ن له‌باره‌ى ئه‌وه‌گ ئايا وڵاته‌يل يه‌كگرتگ له‌نوو سزا له‌بان ئيران ئه‌چه‌سپنێد سه‌باره‌ت وه‌ ريككه‌فتنه‌ ئه‌تۆميه‌گه‌ ك ته‌هران ئمزاى كردگه‌ وه‌ل وڵاته‌يل گه‌وراهيز.

 

نرخ نه‌فت خام خوه‌رئاواى تكساس 63 سه‌نت داوه‌زێ ك ئه‌كاده‌ 0.9 له‌سه‌د و هه‌ر به‌رميليگى ره‌سيه‌ 70.10 دۆلار و له‌ قوناغيگيش ره‌سيه‌ ژير 70 دۆلار.

 

نه‌فت خام برنت جه‌هانييش 53 سه‌نت داوه‌زێ ك يه‌يش ئه‌كاده‌ 0.7 له‌سه‌د و هه‌ر به‌رميليگى ره‌سيه‌ 75.64 دۆلار.