هــــه‌واڵ عــیراق
جبورى و ماكغۆرك چه‌ن دوسيه‌يگ تاوتوێ كردن

جبورى و ماكغۆرك چه‌ن دوسيه‌يگ تاوتوێ كردن


شه‌فه‌ق نيوز/ سه‌ليم جبورى سه‌رۆك ئه‌نجومه‌ن نوێنه‌ره‌يل عراقى له‌ ديدارى وه‌ل برێت ماكغۆرك كلكرياگ تايبه‌ت سه‌رۆك ئه‌مريكى ئه‌را هاوپه‌يمان ناوده‌وڵه‌تى باس له‌ بار ئاسايشى و سياسى له‌ عراق و ناوچه‌گه‌و جه‌نگ دژ ترۆر و هاوكارى و ريككه‌فتن ناونى عراق و هاوپه‌يمان ناوده‌وڵه‌تى كردن  وه‌ سه‌رۆكايه‌تى وڵاته‌يل يه‌كگرتگ.

 

جبورى له‌و ديداره‌ ك(شه‌فه‌ق نيوز)ئاگادارى بوى، باس له‌ هيزه‌يل عراقييش كرد وه‌گشت جووره‌يلى ك وه‌گووره‌ى وه‌خته‌يليگ دياريكرياگ سه‌ركه‌فتنه‌يل گه‌ورايگ له‌بان ريكخرياگ داعش وه‌ده‌س هاوردنه‌.

 

جى باسه‌، له‌لايه‌ن خوه‌ييشه‌و ماكغۆرك جه‌خت له‌ پشتگيرى ناوده‌وڵه‌تى ئه‌را عراق كرد له‌ جه‌نگ دژ داعش و جه‌خيش له‌ پشتگيرى هه‌ردوگ دوسيه‌ى وه‌هاناڕه‌سين و ئنسانييش كرد و وت: وڵاته‌يل يه‌كگرتگ مكوڕه‌ له‌بان ده‌سميه‌تداين عراق ئه‌را هاوردنه‌وه‌ى ئاسايش و سه‌قامگيرى له‌و ناوچه‌يله‌ ك گرژى له‌تيان وجوود داشت وه‌ بوونه‌ى وجوود چه‌ته‌يل داعش.