هــــه‌واڵ كــوردى
هه‌يشت كه‌س له‌ خيزانيگ وه‌ ئاگريگ له‌نزيك سلێمانى مردن و زه‌خمدار بوين

هه‌يشت كه‌س له‌ خيزانيگ وه‌ ئاگريگ له‌نزيك سلێمانى مردن و زه‌خمدار بوين


شه‌فه‌ق نيوز/ له‌ئاكام كه‌فتنه‌وه‌ى ئاگريگ له‌ يه‌كيگ له‌ ناوچه‌يل قه‌زاى رانيه‌ له‌ پارێزگاى سلێمانى له‌ هه‌رێم كوردستان يه‌ك كه‌س گيان له‌ده‌سداو هه‌فت كه‌سيش زه‌خمدار بوين ك گشتيان له‌ يه‌ك خيزانن.

 

حسێن عه‌بدوڵلا قسه‌كه‌ر وه‌ناو وه‌رگرى شارستانى له‌ راپه‌رين وت: ئه‌و ئاگره‌ له‌وه‌ر هووكاريگ ناديار كه‌فته‌سه‌و له‌ يه‌كيگ له‌ ماڵه‌يل له‌ ناوچه‌ى راپه‌رين له‌شار رانيه‌ و هه‌يشت كه‌س له‌تى بوينه‌ قوربانى له‌ يه‌ك خيزان ك پيره‌ژنيگ له‌ليان گيان له‌ده‌سداو هه‌فت كه‌سيانيش زه‌خمدار سزيان بوينه‌و جيواز كريانه‌ ئه‌را نه‌خوه‌شخانه‌ له‌ سلێمانى له‌وه‌ر چاره‌سه‌ر.

 

جى باسه‌، عه‌بدوڵڵا هه‌ميش وت: تيمه‌يل وه‌رگرى شارستانى له‌ په‌يجوريه‌يليان وه‌رده‌وامن ئه‌را زانستن هووكاره‌يل كه‌فتنه‌وه‌ى ئه‌و ئاگره‌.