هــــه‌واڵ جیــهانى
ئه‌مريكا وه‌رده‌وام ئه‌دێ له‌ فشاره‌يلى له‌بان كۆرياێ باكوور

ئه‌مريكا وه‌رده‌وام ئه‌دێ له‌ فشاره‌يلى له‌بان كۆرياێ باكوور


شه‌فه‌ق نيوز/ ئيتش ئار مكماستر راوێژكار ئاسايش نه‌ته‌وه‌يى ئه‌مريكى، باس له‌ گه‌شبينى واشنتۆن كرد له‌ وه‌رانوه‌ر وجوود ده‌رفه‌ت ئه‌را شازكردن دانيشتن له‌ناونى دوناڵد ترامپ سه‌رۆك ئه‌مريكى و كيم جونغ ئون سه‌رۆك كۆرياى باكوور، وه‌لێ ئه‌مريكا مكوڕيشه‌ ئه‌را فشارخستن له‌بان بيونغ يانغ له‌وه‌ر ده‌سهه‌ڵگرتن له‌ چه‌كه‌ ئه‌تۆميه‌گه‌ێ.

 

له‌ى باوه‌ته‌و، روێته‌رز له‌ زووان مكماستر وت: شايه‌ت ئيمه‌ تواناى له‌وه‌رگرتن چاره‌سه‌ريگ دبلۆماسى داشتويم له‌وه‌ر خاتر به‌تاڵكردن نيمچه‌ دويرگه‌ى كۆرى له‌ چه‌ك ئه‌تۆمى وه‌ ته‌مامى.

 

جى باسه‌، راوێژكار ئاسايش نه‌ته‌وه‌يى ئه‌مريكى هه‌ميش وت: ئيمه‌ گشتمان ريككه‌فتيمنه‌ له‌بان ئه‌وه‌گ گه‌شبينيم له‌باره‌ى ئى ده‌رفه‌ته‌، وه‌لێ مكوڕيميش له‌بان وه‌رده‌وامى فشارخستن فره‌يگ له‌بان ئه‌و وڵاته‌ تا وه‌ختيگ ره‌سيمنه‌ ئاكاميگ و پيشكه‌فتنيگ راسكانى له‌ مه‌سه‌له‌ێ وازهاوردن له‌ چه‌ك ئه‌تۆمى.