هــــه‌واڵ جیــهانى
پنتاگۆن وه‌رگرتن بيگانه‌يل له‌ خزمه‌ت سه‌ربازێ وسان

پنتاگۆن وه‌رگرتن بيگانه‌يل له‌ خزمه‌ت سه‌ربازێ وسان


شه‌فه‌ق نيوز/ وزاره‌ت وه‌رگرى ئه‌مريكى وه‌ سه‌ربازكردن هاووڵاتيه‌يل ده‌وڵه‌ته‌يل تر له‌ هيزه‌يل چه‌كدار ئه‌مريكى له‌وه‌ر مه‌ترسيه‌يل ئاسايشى ئه‌گه‌ركرياێ وسان.

 

له‌ى باوه‌ته‌و، كه‌ناڵ فوكس نيوز ته‌له‌فزيۆنى وت: مه‌سه‌له‌گه‌ په‌يوه‌سه‌ وه‌ به‌رنامه‌ێ  MAVNI ك رێ وه‌ كووچكه‌ره‌يل خاوه‌ن تايبه‌تمه‌ندێ خواست ئه‌ياد بچنه‌ ناو ڕزه‌يل هيزه‌يل چه‌كدار ئه‌مريكى وه‌رانوه‌ر ئه‌وه‌گ ره‌گه‌زنامه‌ێ ئه‌مريكى گورج وه‌پيان بدريه‌ێد.

 

ئى به‌رنامه‌يشه‌ له‌وه‌خت جۆرج بۆش كوڕ دانريا سه‌رۆك وه‌رين ئه‌مريكى و له‌ سه‌رده‌م باراك ئۆباما كار وه‌پى كريا، ك فيشتر له‌ 10 هه‌زار بيگانه‌ خوه‌يبه‌خش خوه‌يان كردن و هاتنه‌ ناو سوپا له‌ 2009 تائيسه‌، ك ئيسه‌يش پنتاگۆن دراسه‌ت ئه‌و به‌رنامه‌ێ ناوبرياگه‌ ئه‌كا وه‌ بوونه‌ێ مه‌ترسيه‌يل ئاسايشى په‌يوه‌س وه‌پى و ئه‌را ماوه‌ێ وه‌ختى به‌رنامه‌گه‌ وسانگه‌و بيگانه‌ له‌ خزمه‌ت سه‌ربازێ وه‌رناگرێد.