هــــه‌واڵ كــوردى
ته‌ياره‌خانه‌ى سلێمانى واده‌ى ده‌سوه‌پيكردن گه‌شت ناوده‌وڵه‌تى ديارێ كرد

ته‌ياره‌خانه‌ى سلێمانى واده‌ى ده‌سوه‌پيكردن گه‌شت ناوده‌وڵه‌تى ديارێ كرد


شه‌فه‌ق نيوز/ تاهر عه‌بدوڵڵا وه‌ڕيه‌وبه‌ر ته‌ياره‌خانه‌ى ناوده‌وڵه‌تى سلێمانى، ئاشكراى ئه‌وه‌ كرد ك گه‌شته‌يل ئاسمانى ناوده‌وڵه‌تى هاتن و چگن له‌ ته‌ياره‌خانه‌يل هه‌رێم كوردستانه‌و له‌ 15ى ئى مانگه‌ ده‌س وه‌پى ئه‌كا.

 

تاهر له‌ لێدوانيگ رووژنامه‌گه‌رى تۆماركرياێ ڤيديۆيى سوپاسگوزارى له‌ حكومه‌ت هه‌رێم كوردستان و وزاره‌ت جيوازكردن و په‌يوه‌نديه‌يل له‌ هه‌رێم و ليژنه‌ى خزمه‌تگوزاريه‌يل نوێنه‌رايه‌تى له‌ ئه‌نجومه‌ن نوێنه‌ره‌يل عراقى و حكومه‌ت ناوه‌ندى و گشت لايه‌نه‌يليگ كرد ك به‌شدارى له‌ لاوردن گه‌مارۆ له‌بان گه‌شته‌يل ناوده‌وڵه‌تى ته‌ياره‌خانه‌يل هه‌ولێر و سلێمانى كرد.

 

جى باسه‌، زويتريش وه‌رپرسه‌يل له‌ هه‌ردوگ ئداره‌ى  ته‌ياره‌خانه‌يل هه‌ولێر و سلێمانى باس له‌وه‌ كردن ك چه‌وه‌ڕێ ره‌سين بڕيار لاوردن گه‌مارۆ ئه‌كه‌ن وه‌فه‌رمى له‌بان گه‌شته‌يل ناوده‌وڵه‌تى .