هــــه‌واڵ عــیراق
به‌ره‌ى توركمانى سه‌ره‌تاى دابه‌شكردن عراق ديارى ئه‌كا

به‌ره‌ى توركمانى سه‌ره‌تاى دابه‌شكردن عراق ديارى ئه‌كا


شه‌فه‌ق نيوز/ ئه‌رشه‌د ساڵحى سه‌رۆك به‌ره‌ى توركمانى عراقى، جاريگتر داواى ئه‌وه‌ كرد پۆست پاريزگار كه‌ركوك بدريه‌ێده‌ توركمان جوور مافيگ سياسى و نه‌ته‌وه‌يى پێكهاته‌گه‌يان و وت:  هه‌ر كيشه‌يگيش سياسى و ئه‌منى ك روێ بيه‌ێد له‌ پاريزگاگه‌ ماناى سه‌ره‌تاى دابه‌شكردن عراق و ده‌وڵه‌ته‌يل ناوچه‌گه‌س وه‌بوونه‌ى سروشت دابه‌شبوين مه‌رمى و وجوود له‌ ناوچه‌گه‌.

 

ساڵحى له‌ وته‌يگى له‌وه‌رده‌م مه‌ردمان فريه‌يگ له‌ پارێزگاگه‌ وت: هه‌ر كيشه‌يگ سياسى و ئه‌منى روێ بيه‌ێد له‌ كه‌ركوك ئه‌وه‌ ماناى سه‌رتاى دابه‌شكردن عراق و ده‌وڵه‌ته‌يل ناوچه‌گه‌س وه‌ بوونه‌ى سروشت مه‌ردمه‌گه‌ى و وجوودى له‌ ناوچه‌گه‌ و باس له‌وه‌يش كرد ك توركمان وجوود له‌ عراق و سورياو ئيران ديرێد و يه‌يش ده‌رخست ك كورديش له‌ توركياو سورياو ئيران و عراق دابه‌ش بوينه‌.

 

جى باسه‌، ساڵحى هه‌ميش وت: هه‌ر كيشه‌يگ سياسييش له‌ كه‌ركوك كاريگه‌رى خراو ئه‌خاده‌ بان ده‌وڵه‌ته‌يل ناوبرياێ له‌ساى وه‌يه‌كاچگن هيزه‌يل و ئيراده‌يل ناوده‌وڵه‌تى و هه‌وڵداينى ئه‌را دابه‌شكردن ده‌وڵه‌ته‌يل ناوچه‌گه‌ ئه‌را ده‌وڵه‌ت بويچگ و ئايينى و مه‌زه‌وى.