هــــه‌واڵ كــوردى
په‌رله‌مان كوردستان ميواندارى كۆمسيۆن هه‌ڵوژاردنه‌يل ئه‌كا

په‌رله‌مان كوردستان ميواندارى كۆمسيۆن هه‌ڵوژاردنه‌يل ئه‌كا


شه‌فه‌ق نيوز/ په‌رله‌مان كوردستان له‌ هه‌فته‌ى ئاينده‌ دانيشتنيگ ساز ئه‌كاو له‌تى ميواندارى كۆمسيۆن باڵاى سه‌روه‌خوه‌ى هه‌ڵوژاردنه‌يل و راپرسى له‌ هه‌رێم ئه‌كا ئه‌را تاوتويكردن هه‌ڵوژاردنه‌يل په‌رله‌مان ك بڕياره‌ له‌ 31 ئه‌يلوول ئاينده‌ ئه‌نجام بگرێد.

 

وه‌ گووره‌ى خشته‌ى كارنامه‌ى دانيشتنه‌گه‌، په‌رله‌مان رووژ دوشه‌ممه‌ى ئاينده‌ 9/ 7/ 2018 دانيشتنيگ ساز ئه‌كا ئه‌را تاوتويكردن بڕيگ له‌ پرووژه‌ ياسايه‌يل.

 

جى باسه‌، له‌ بڕگه‌ى سێيه‌م له‌ خشته‌ى كارنامه‌ى دانيشتنه‌گه‌، ئه‌وه‌ ده‌ركه‌فت ك په‌رله‌مان له‌و دانيشتنه‌ باس له‌ ئه‌نجامداين هه‌ڵوژاردنه‌يل له‌ هه‌رێم كوردستان ئه‌كا وه‌ ئاماده‌بوين ئه‌ندامه‌يل ده‌سه‌ى كومسياره‌يل له‌ كۆمسيۆن باڵاى هه‌ڵوژاردنه‌يل.