هــــه‌واڵ عــیراق
نوجێفى باس دوسيه‌يل مه‌ترسيداريگ ئه‌را عه‌بدولمه‌هدى كرد

نوجێفى باس دوسيه‌يل مه‌ترسيداريگ ئه‌را عه‌بدولمه‌هدى كرد


شه‌فه‌ق نيوز/ ئوسامه‌ نوجێفى سه‌رۆك ليژنه‌ى له‌يه‌كه‌وداين راسيه‌يل له‌ پاريزگاى نه‌ينه‌وا، ئاشكراى دوسيه‌يليگ مه‌ترسيدار كرد و داوا له‌ه‌ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل كرد رێ وشوونه‌يل گورجيگ له‌و باره‌وه‌ له‌وه‌ربگرێد.

 

نوجێفى له‌ به‌ياننامه‌يگ ئه‌را شه‌فه‌ق نيوز وت: له‌ڕێ كاره‌يل وه‌رده‌وام ليژنه‌گه‌ له‌ پاريزگاى نه‌ينه‌وا، ئاشكراى دوسيه‌يليگ مه‌ترسيدار كردم ئه‌را ليژنه‌گه‌ ك په‌يوه‌سه‌ وه‌ل ياساشكنى و سه‌رپيچێ دارايى فراوان له‌لايه‌ن نه‌وفه‌ل عاگوب پاريزگار، بيجگه‌ وه‌تاڵانداين دارايى گشتى له‌ڕێ ره‌فتاره‌يليگ نه‌گونجياێ ك يه‌يش ديارده‌ى گه‌وراى گه‌ناته‌كارى دروس كردگه‌.

 

جى باسه‌، نوجێفى داوايش له‌ سه‌رۆك ئه‌نجومه‌ن وه‌زيره‌يل كرد رێ وشوونه‌يل گورجيگ له‌و باوه‌ته‌و بگرێده‌ وه‌ر ئه‌را نواگيرى له‌ هه‌ر كاريگه‌رييگ خراو له‌بان ليژنه‌يل ده‌سپاكى و ده‌سه‌يل دادوه‌رى و روێ وه‌ڕوێ بوينه‌وه‌ى ئه‌و دوسيه‌يله‌.