هــــه‌واڵ عــیراق
كوه‌يت به‌خشينه‌ پيشكه‌ش كرده‌ چوار پاريزگاى عراقى

كوه‌يت به‌خشينه‌ پيشكه‌ش كرده‌ چوار پاريزگاى عراقى


شه‌فه‌ق نيوز/ ده‌وڵه‌ت كوه‌يت وه‌ فه‌رمان مير سه‌باح ئه‌لئه‌حمه‌د ئه‌لسه‌باح مير وڵاته‌گه‌ به‌خشينه‌ پيشكه‌ش كرده‌ عراق، ك پيكهاتگه‌ له‌ چوار سه‌ياره‌ێ ئه‌مپوڵانس و كه‌ره‌سه‌يل پزيشكى و نرخه‌گه‌ێ ره‌سێده‌ 1,8 مليۆن دۆلار.

 

ئاژانس هه‌واڵه‌يل كوه‌يتى "كونا"، ئه‌وه‌ ده‌رخست ك ئه‌و به‌خشينه‌ له‌ ئاهه‌نگيگ فه‌رمى له‌ ناوچه‌ى سه‌وز له‌ به‌غدا پيشكه‌ش كرياگه‌، وه‌ ئاماده‌بوين مهدى عه‌لاق ئه‌ميندار گشتى ئه‌نجومه‌ن وه‌زيره‌يل عراقى و سالم زمانان باليۆز كوه‌يتى له‌ عراق و شماره‌يگ له‌ وه‌رپرسه‌يل عراقى و نوێنه‌ر كومه‌ڵه‌ى خاچ قرمز كوه‌يتى.

 

جى باسه‌، ئى به‌خشينه‌ له‌ كۆمه‌ڵه‌ى خاچ قرمز كوه‌يتيه‌و پيشكه‌ش كريا وه‌ پاريزگايه‌يل ئه‌نبار و نه‌ينه‌وا و كه‌ركوك و سه‌ڵاحه‌دين، ك ئامێره‌يل پزيشكى پێشكه‌فتگ گرته‌سه‌ خوه‌ێ، ئه‌ويش له‌وه‌ر ئه‌و باردوخ سه‌خته‌ ك داعش تيرۆريستى هيشته‌سه‌ى جێ له‌و پاريزگايه‌يله‌.