هــــه‌واڵ عــیراق
عراق وه‌ى نزيكه‌يله‌ "فيزا"ى ئه‌لكترۆنى ده‌رئه‌كا

عراق وه‌ى نزيكه‌يله‌ "فيزا"ى ئه‌لكترۆنى ده‌رئه‌كا


شه‌فه‌ق نيوز/ وه‌زاره‌ت په‌يوه‌نديه‌يل پرووژه‌ى "فيزا"ى ئه‌لكترۆنى ته‌مام كردگه‌ له‌ڕوێ ته‌كنيكى و ئوميد ئه‌وه‌ ئه‌كريه‌ێد بخريه‌ێده‌ ناو خزمه‌ته‌و وه‌ى نزيكه‌يله‌ له‌وه‌ر خاتر زاڵبوين له‌بان گه‌ناته‌كارى ئدارى و گله‌وداين دارايى زيايه‌ێ وه‌تاڵانبردن ئه‌را ده‌وڵه‌ت.

 

له‌ى باوه‌ته‌و، ئه‌مير به‌ياتى بريكار كاروبار هونه‌رى له‌ وه‌زاره‌ته‌گه‌ ئه‌را رووژنامه‌ى ئه‌لسه‌باح نيمچه‌ فه‌رمى وت: وه‌زاره‌ته‌گه‌ گشت كاره‌يل تايبه‌ت وه‌ فيزاى ئه‌لكترۆنى ته‌مام كردگه‌ و خزمه‌ت مه‌بده‌ئى ئه‌را هه‌ردوگ وه‌زاره‌ت ناوخوه‌يى و خارجيه‌يش ته‌وزيف كرياگه‌و گشت بنگه‌يل تايبه‌ت وه‌ وه‌زاره‌ته‌گه‌و له‌ڕوێ ئه‌لكترۆنيه‌و په‌يوه‌س كريانه‌.

 

به‌ياتى هووكار دوياخستن ئى پرووژه‌ له‌ى وه‌خته‌يله‌ ئه‌را خزمه‌ت ئه‌را هووكاره‌ييگ هونه‌رى برده‌و په‌يوه‌س وه‌ به‌رنامه‌يليگ ك كار وه‌پيان ئه‌كريه‌ێد و حاڵ حازر نه‌يرنه‌ێ بيجگه‌ وجوود كيشه‌يليگ تر وه‌ل بازنى گرووپه‌يل گه‌شتيارى سه‌ر وه‌ وه‌زاره‌ت رووشنهويرى و شوونه‌وار و گه‌شتيارى له‌باره‌ى وه‌ناوخستن خزمه‌تگوزاريه‌و.