هــــه‌واڵ كــوردى
بارزانى وه‌ل محوه‌ر سنى دو دوسيه‌ باسكرد

بارزانى وه‌ل محوه‌ر سنى دو دوسيه‌ باسكرد


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، وه‌ل شانديگ له‌ هاوپه‌يمانى محوه‌ر نيشتمانى، باس له‌ بارودوخ سياسى له‌ عراق و ناوچه‌گه‌ كرد و هه‌ردوگلايش هوير وڕاى خوه‌يان ده‌رخستن له‌باره‌ى دويا روێداگه‌يل له‌ پرووسه‌ى سياسى.

 

له‌ى باوه‌ته‌و، ماڵپه‌ڕ فه‌رمى سه‌رۆك پارت ديموكرات كوردستان له‌ به‌ياننامه‌يگ ك شه‌فه‌ق نيوز ئاگادارێ بوێ وت: بارزانى له‌ باره‌گاى خوه‌ى له‌ هه‌وارگه‌ى سه‌ڵاحه‌دين پيشوازى له‌ شانديگ له‌ هاوپه‌يمانى محوه‌ر نيشتمانى كردگه‌ ك خه‌ميش خه‌نجه‌ر سه‌ركردايه‌تى ئه‌كاو شانده‌گه‌يش پيكهاتگه‌ له‌ جه‌مال كه‌ربولى و ئه‌حمه‌د جبورى و يه‌حيا كوبه‌يسى ك سه‌ركرده‌ن له‌ هاوپه‌يمانيه‌گه‌.

 

به‌ياننامه‌گه‌ هه‌ميش وت: له‌و ديداره‌ بارودوخ سياسى له‌ عراق و ناوچه‌گه‌ تاووتوێ كرياگه‌و هه‌ردوگلا هوير وڕاى خوه‌يان ده‌رخستنه‌ له‌باره‌ى دويا روێداگه‌يل له‌ پرووسه‌ى سياسى له‌ عراق.