هــــه‌واڵ كــوردى
فراكسيۆن پارتى وه‌ سێ بڕيار ئه‌را به‌غدا كووتايى وه‌ دانيشتنى هاورد

فراكسيۆن پارتى وه‌ سێ بڕيار ئه‌را به‌غدا كووتايى وه‌ دانيشتنى هاورد


شه‌فه‌ق نيوز/ فراكسيۆن پارت ديموكرات كوردستان له‌ په‌رله‌مان عراقى كووتايى وه‌ دانيشتنيگ هاورد له‌ شار هه‌ولێر، ئه‌ويش وه‌ بڕياره‌يليگ جواودانه‌وه‌ى حكومه‌ت و په‌رله‌مان عراقى.

 

رێناس جانۆ قسه‌كه‌ر وه‌ناو فراكسيۆنه‌گه‌ له‌ دوياى دانيشتنه‌گه‌ وت: له‌ى دانيشتنه‌ سێ محوه‌ر باس كرديمنه‌و ره‌سيمنه‌سه‌ ئه‌وه‌ ك هه‌ر ريككه‌فتنيگ بايه‌سه‌ بى مه‌رج بوود وه‌تايبه‌ت ئاكامه‌يل راپرسێ ك پاشگه‌ز له‌لى مه‌حاڵه‌.

 

جانۆ داوايش كرد هه‌ڵويست فراكسيۆنه‌يل كوردستانى يه‌كيگ بوود و كار له‌بان بته‌وكردن په‌يوه‌نديه‌يل ئه‌كه‌يم وه‌ل هاوكاره‌يلمان له‌ په‌رله‌مان ئه‌را روى وه‌ڕوى بوينه‌وه‌ى هه‌ر كرده‌وه‌ى خراويگ ك كوردستان بگرێده‌ ئامانج و له‌ هه‌مان وه‌خت داوايش له‌ حكومه‌ت و په‌رله‌مان عراقييش كرد سزايليان دژ هه‌رێم كوردستان هه‌ڵگرن و گرژى دژ نوێنه‌ره‌يل كورد دروس نه‌كه‌ن.

 

جى باسه‌، جانۆ له‌باره‌ێ داوڕيانيش له‌ دانيشتنه‌يل په‌رله‌مان عراقى وت: ئيمه‌ كارمه‌ند نييم و هوچ كه‌سيگيش ناتويه‌نێد نواگيرى گله‌وخواردن له‌ليمان بكا ئه‌را په‌رله‌مان و نه‌بايه‌د سزايش بدريه‌ێم وه‌گووره‌ى ده‌ستوور.