هــــه‌واڵ عــیراق
جبورى: كه‌ركوك له‌وه‌ر سێ هووكار ئاماده‌ى هه‌ڵوژاردنه‌يل نيه‌

جبورى: كه‌ركوك له‌وه‌ر سێ هووكار ئاماده‌ى هه‌ڵوژاردنه‌يل نيه‌


شه‌فه‌ق نيوز/ راكان جبورى پاريزگار كه‌ركوك وه‌ وكاله‌ت، ئاشكراى ئه‌وه‌ كرد ك پاريزگاگه‌ ئاماده‌ نيه‌ ئه‌را ئه‌نجامداين هه‌ڵوژاردنه‌يل ك داواى دوياخستنى كرد.

 

له‌ى باوه‌ته‌و، جبورى ئه‌را شه‌فه‌ق نيوز وت: تائيسه‌ وه‌شيوه‌ێ خاسيگ كووچبه‌ره‌يل ناورديمنه‌سه‌و له‌ كه‌ركه‌ك و فريه‌يگ له‌ليان به‌ڵگه‌يليان له‌ده‌س دانه‌ له‌ وه‌خت هاتن داعش وه‌تايبه‌ت له‌ بڕيگ له‌ شار و قه‌زايه‌يلێ جوور قه‌زاى حه‌ويجه‌ و باسيش له‌وه‌ كرد ك هيمان فراكسيۆنه‌يل سياسييش ريك نه‌كه‌فتنه‌ له‌بان ياساێ ئه‌نجومه‌ن پاريزگايه‌يل وه‌تايبه‌ت له‌بان بڕگه‌يل په‌يوه‌س وه‌ كه‌ركوك.

 

جى باسه‌، وه‌ل ئه‌وه‌يشا په‌رله‌مان عراقى واده‌يگ دياريكرياگ ئه‌را ئه‌نجامداين ته‌شريعى و ناوچه‌يى يه‌كلاوه‌ نه‌كردگه‌، وه‌لێ ئه‌نجومه‌ن وه‌زيره‌يل عراقى پيشنيار ئه‌وه‌ كرد له‌ ناوڕاس مانگ ئايار ئاينده‌ هه‌ڵوژاردن ئه‌نجام بگرێد.