هــــه‌واڵ عــیراق
ئه‌مريكا ئاشكراێ گرتن نزيكه‌ێ 200 عراقى كرد

ئه‌مريكا ئاشكراێ گرتن نزيكه‌ێ 200 عراقى كرد


شه‌فه‌ق نيوز/ ده‌سڵاته‌يل ئه‌مريكى نزيكه‌ێ 200 عراقى ده‌سگير كردنه‌ و زوورميانيش له‌ ناوچه‌ێ ديترۆيت له‌ سێ هه‌فته‌ێ گوزه‌يشت و هه‌ر وه‌و خاتريشه‌ خوازيار ده‌ركردنيان بوين دوياێ ئه‌وه‌گ عراق رازێ بوێ له‌بان قه‌بولكردنيان له‌ چوارچيوه‌ێ ريككه‌فتنيگ ئه‌را لاوردنى له‌ ليست ئه‌و وڵاته‌يله‌ ك دوناڵد ترامپ سه‌رۆك ئه‌مريكى قه‌يه‌غه‌ێ هاووڵاتيه‌يليان كرد له‌ گه‌شت ئه‌را وڵاته‌يل يه‌كگرتگ.

 

له‌ى باوه‌ته‌و، روێته‌رز له‌ زووان جيليان كريستنسن قسه‌كه‌ر وه‌ناو ئداره‌ێ جيوه‌جيكردن ياسايه‌يل كووچ و باج ئه‌مريكى له‌ به‌ياننامه‌يگ وت: ده‌سڵاته‌يل ئه‌مريكى 114 عراقى له‌ سه‌ره‌تاێ هه‌فته‌ له‌ ناوچه‌ێ ديترۆيت ده‌سگير كردنه‌ و باقييانيش له‌ ناوچه‌يل تر له‌ ماوه‌ێ هه‌فته‌يل گوزه‌يشت.

 

جى باسه‌، كريستنسن هه‌ميش وت: زوورم ئه‌وانه‌گ ده‌سگير كريانه‌ تومه‌تيش له‌بانيان بوێه‌ جوور كوشتن و ده‌سدريژيكردن و زوڵم و رفانن و بازرگانيكردن وه‌ مادده‌يل بيهووشكه‌ر و چشته‌يل تر.