هــــه‌واڵ عــیراق
له‌ناو زيندانيگ باس له‌ خه‌ت هه‌رێمێ ئه‌را ئداره‌ێ داعش كريا

له‌ناو زيندانيگ باس له‌ خه‌ت هه‌رێمێ ئه‌را ئداره‌ێ داعش كريا


شه‌فه‌ق نيوز/ رووژنامه‌ێ شه‌رقولئه‌وسه‌ت سعودێ ديمانه‌يگ وه‌ل دو كه‌س سه‌ر وه‌ ريكخرياگ له‌ زيندانيگ سه‌ر وه‌ هيزه‌يل دژه‌ ترۆر له‌ هه‌رێم كوردستان ئه‌نجامدا له‌ هه‌ولێر پايته‌خت.

 

رووژنامه‌گه‌ وت: سه‌دان گيرياگ له‌ زيندانه‌گه‌ وجوود ديرن و زوورميان عراقى و سووريين وه‌ل شماره‌يگيش له‌ بيگانه‌يل تر و هيمان سێ كه‌س له‌ داعشه‌يل ئه‌مريكى كه‌ شاره‌زايى ديرن له‌ بوار ئه‌لكترۆنى وجوود ديرن ك له‌لايه‌ن هيزه‌يل پێشمه‌رگه‌وه‌ ده‌سگير كريانه‌و رۆڵ به‌رزيگ داشتنه‌ له‌ ئداره‌ێ جه‌نگه‌يل.

 

جى باسه‌، رووژنامه‌گه‌ يه‌يش ئاشكرا كرد ك ئه‌و داعشيه‌يل په‌يجورێ وه‌ليانا ئه‌كريه‌ێد و ئاماژه‌ وه‌يه‌يش كرد ك ئه‌و گيرياگه‌يله‌ باس له‌ خه‌ته‌يليگ هه‌رێمى كردنه‌ ئداره‌ێ داعش ئه‌كه‌ن و باس له‌وه‌يش كردنه‌ ك فكره‌ێ ده‌وڵه‌ت ئسلامى له‌ عراق و شام له‌بان ده‌س ئه‌فسه‌ره‌يليگ له‌ سوپاێ سه‌دام حسێن روێداگه‌ ك وه‌خت خوه‌ى هاتنه‌سه‌ ناو مقاومه‌ و قاعيده‌ و داعش.