هــــه‌واڵ كــوردى
بارزانى: كه‌س به‌ديل ئه‌را راپرسێ پيشكه‌ش نه‌كردگه‌ و مه‌رزيش بووه‌سن له‌ وه‌رسگى نامريم

بارزانى: كه‌س به‌ديل ئه‌را راپرسێ پيشكه‌ش نه‌كردگه‌ و مه‌رزيش بووه‌سن له‌ وه‌رسگى نامريم


شه‌فه‌ق نيوز/ مه‌سعود بارزانى سه‌رۆك هه‌رێم كوردستان، جه‌خت له‌وه‌ كرد ك ده‌وڵه‌ته‌يل دژ وه‌ راپرسێ  تائيسه‌ هويچ به‌ديليگ پيشكه‌ش نه‌كردنه‌و هه‌ر وه‌و خاتريشه‌ ئيمه‌ وه‌رده‌واميم له‌ ئه‌نجامداينى له‌ واده‌ێ دياريكردياێ خوه‌ێ له‌ 25 ئى مانگه‌و ئاماژه‌ وه‌يه‌يش كرد و وت: ملله‌ت كوردستان له‌ ورسگێ نامرێد له‌ حاڵه‌تيگيش ئه‌گه‌ر ده‌وڵه‌ته‌يل هاوسايش مه‌رزه‌يليان به‌سان له‌ دوياێ راپرسێ يا سه‌روه‌خوه‌يى ئعلانكردن ده‌وڵه‌ت كوردستان.

 

بارزانى له‌ ديمانه‌يگ وه‌ل تووڕ "بى بى سى" بريتانى وت: راپرسێ له‌ 25 ئه‌يلوول ئه‌نجام ئه‌گرێد جوور ئه‌وه‌گ بڕيار درياگه‌و داواكارييش له‌بان دوياخستنى مه‌نتقى نيه‌، چوينكه‌ ئيمه‌ ئيمه‌ بڕياره‌يل نه‌ته‌وه‌يل يه‌كگرتگ يا ياساێ ناوده‌وڵه‌تى نه‌شكانيمه‌و بڕيار چاره‌نويس مافيگ ناوده‌وڵه‌تيه‌.

 

جى باسه‌، بارزانى هه‌ميش وت: ئيمه‌ داواێ به‌ديل كرديم له‌و وڵات و لايه‌نه‌يله‌ ك ناڕازيين له‌بان ئه‌نجامداين راپرسێ، وه‌لێ كه‌س به‌ديل پيشكه‌ش نه‌كردگه‌و هه‌ر وه‌و خاتريشه‌ راپرسێ ئه‌نجام ئه‌يه‌يم.