هــــه‌واڵ عــیراق
لافرۆف: مه‌ترسێ داعش كپه‌و نه‌ويه‌

لافرۆف: مه‌ترسێ داعش كپه‌و نه‌ويه‌


شه‌فه‌ق نيوز/ سيرغى لافرۆف وه‌زير خارجيه‌ێ رووسى وشدارێ دا له‌وه‌گ مه‌ترسێ ريكخرياگ ترۆريستى داعش هيمان هه‌ر مه‌ندگه‌ ك هه‌رچه‌نى پيشڕه‌وێ ريژه‌ييگ هه‌س له‌ مه‌سه‌له‌ێ سوورێ.

 

لافرۆف له‌ كۆنگره‌يگ رووژنامه‌گه‌رى هاوبه‌ش وه‌ل ريتنو مارسودى وه‌زير خارجيه‌ێ ئه‌نده‌نوسى له‌ جاكرتا باس له‌ يه‌كهه‌ڵويستى هه‌ردوگ وڵاته‌گه‌ كرد له‌باره‌ێ خواست چاره‌سه‌ر ناكووكيه‌يل وه‌ گووره‌ى حومه‌ت پێوه‌ر و ياسايه‌يل به‌ڵگه‌يى نه‌ته‌وه‌يل يه‌كگرتگ و له‌ڕى گفتگوو ئاشتيانه‌و وه‌بى ده‌خاڵه‌ت ده‌ره‌كى.

 

لافرۆف باس له‌وه‌يش كرد ك چه‌كداره‌يل ريكخرياگ داعش هيمان وه‌رده‌وام بڵاون له‌ گشت جه‌هان و له‌وانه‌يش له‌ نزيك مه‌رزه‌يل روسيا و ئه‌نده‌نوسيا و جه‌نگ دژ ئه‌و ريكخرياگه‌ له‌ مه‌ترسى و خه‌ته‌رێ كپه‌و نه‌كردگه‌و جاكرتاو مۆسكۆ له‌ئاست هه‌واڵگرێ ريككه‌فتنه‌ له‌بان گرينگداين تايبه‌ت وه‌ ريكخستن هه‌وڵه‌يل ئه‌را دژايه‌تى و له‌ناوبردن تونڕه‌وه‌يل.