هــــه‌واڵ عــیراق
حاجييگ له‌ جياێ شه‌يتان ره‌جم "ئه‌بو به‌كر ئه‌لبه‌غدادى" كرد

حاجييگ له‌ جياێ شه‌يتان ره‌جم "ئه‌بو به‌كر ئه‌لبه‌غدادى" كرد


شه‌فه‌ق نيوز/ حاجى عه‌مار ئه‌ليزيد ك حاجييگ سووريه‌ له‌ وه‌خت ره‌جمكردن شه‌يتان وه‌ كوچگ ده‌سيه‌و وسياو سێ جار وه‌ ده‌نگ به‌رز ته‌كبير دا وه‌رجه‌ ئه‌وه‌گ ره‌جم بكاو دژ ئه‌بو به‌كر ئه‌لبه‌غدادى سه‌ركرده‌ێ ريكخرياگ داعش و ئه‌بو محه‌مه‌د ئه‌لجولانى سه‌ركرده‌ێ ريكخرياگ به‌ره‌ێ فه‌تحولشام"به‌ره‌ێ ئه‌لنوسره‌"قسه‌ كرد و دوياێ ئه‌وه‌يش ك ئه‌و كاره‌ ئه‌نجام دا ده‌سه‌و دوعا وسياو دوعاێ خراو دژيان كرد له‌وه‌ر ئه‌وه‌گ هووكار كوشيان سێ له‌ رووڵه‌يلێ بوينه‌.

 

ئه‌و حاجى سووريه‌ ئه‌را رووژنامه‌ێ عه‌كاز سعودێ ئه‌وه‌ ده‌رخست ك سێ له‌ كوڕه‌يلێ له‌لايه‌ن ريكخرياگ داعشه‌و وه‌ زوور وه‌ سه‌رباز كريانه‌ له‌ پاريزگاێ دێرئه‌لزۆر.

 

جى باسه‌، حاجيه‌گه‌ وت: له‌ وه‌ختيگه‌و داعش كوڕه‌يلم وه‌ زوور كرده‌سه‌ چه‌كدار دى چه‌وم له‌ليان نه‌كه‌فت و دوياێ چه‌ن مانگيگ له‌ ره‌سينم ئه‌را ئه‌ڵمانيا زانستم هه‌رسێگيان كوشيانه‌ له‌ جه‌نگيگ له‌ ناونى ئه‌لنوسره‌ و داعش له‌ نزيك شار حمات.