هــــه‌واڵ عــیراق
ئئتلاف مالكى خوازيار موحاسبه‌كردن وه‌ڕيه‌وبه‌ر خه‌ته‌يل ئاسمانيه‌

ئئتلاف مالكى خوازيار موحاسبه‌كردن وه‌ڕيه‌وبه‌ر خه‌ته‌يل ئاسمانيه‌


شه‌فه‌ق نيوز/ عه‌واتف نعمه‌ ئه‌ندام ئه‌نجومه‌ن نوێنه‌ره‌يل عراقى له‌بان ئئتلاف ده‌وڵه‌ت ياسا، داوا له‌ وه‌زير جيوازكردن كرد پرس وپرسكارى وه‌ل وه‌ريه‌وبه‌ر گشتى خه‌ته‌يل ئاسمانى عراقى ئه‌نجام بدريه‌ێد له‌وه‌ر دوياخستن چگن ته‌ياره‌يگ ئه‌را هه‌ولێر له‌بان داواكارى يه‌كيگ له‌ خانمه‌ په‌رله‌مانتاره‌يل و داوايش له‌ سه‌رۆكايه‌تى په‌رله‌مان كرد په‌يجورى وه‌ل ئه‌و خانمه‌ په‌رله‌مانتاره‌ واز بكا ك زه‌ره‌د ره‌سانه‌سه‌ به‌رژه‌وه‌ندى هاووڵاتيه‌يل.

 

نعمه‌ له‌ به‌ياننامه‌يگ له‌لايه‌ن نويسينگه‌ ره‌ساننه‌گه‌يه‌و ئه‌را(شه‌فه‌ق نيوز)وت: دوياخستن ئه‌و ته‌ياره‌ له‌بان داواكارى خانمه‌ په‌رله‌مانتاريگ ماناى ئستغلالكردن ئاشكرايگ پۆست ته‌شريعيه‌ ك بايه‌سه‌ تايبه‌ت بدێ ئه‌را خزمه‌ت مه‌ردم نه‌ك ره‌سانن زه‌ره‌د وه‌ به‌رژه‌وه‌نديه‌يليان.

 

جى باسه‌، نعمه‌ هه‌ميش وت: ئى ره‌فتاره‌ نه‌ك ته‌نيا خراوه‌كاريه‌ ده‌رهه‌ق ده‌سڵات ته‌شريعى ك نوێنه‌رايه‌تى ده‌سڵات ملله‌ت ئه‌كا، به‌ڵكوو ئه‌دێده‌ هووكار له‌ كزه‌وكردن متمانه‌ى هاووڵاتيه‌يل وه‌ ئداره‌ى خه‌ته‌يل ئاسمانى و كاريگه‌رى خراو ئه‌كاده‌ بان پيشوازيكردن هاووڵاتيه‌يل، چوينكه‌ هه‌ر ده‌زگايگ ك ئستهانه‌ وه‌ به‌رژه‌وه‌ندى هاووڵاتيه‌يل بكا هويچ بايه‌خيگ له‌ليان ده‌رناكه‌فێد.