هــــه‌واڵ كــوردى
مامۆستايه‌يل سلێمانى خوه‌ينيشانداين دژ عبادى ساز كردن

مامۆستايه‌يل سلێمانى خوه‌ينيشانداين دژ عبادى ساز كردن


شه‌فه‌ق نيوز/ ده‌يان مامۆستان و ده‌رسده‌ر له‌ پاريزگاى سلێمانى له‌ هه‌رێم كوردستان خوه‌ينيشانداينيگ ناڕه‌زايه‌تى ساز كردن وه‌ بوونه‌ى ئه‌وه‌گ حكومه‌ت ناوه‌ندێ مووچه‌يليان ئه‌رايان خه‌رج ناكا.

 

خوه‌ينيشانده‌ره‌يل له‌و خوه‌ينيشانداينه‌ له‌وه‌رده‌م وه‌ڕيه‌وبه‌رايه‌تى خوه‌رئاواى سلێمانى داوا له‌ حه‌يده‌ر عبادى سه‌رۆك ئه‌نجومه‌ن وه‌زيره‌يل كردن قه‌وڵه‌يل خوه‌ێ وه‌جێ بارێد له‌ داين مووچه‌يليان وه‌ ته‌مامێ.

 

جى باسه‌، خوه‌ينيشانده‌ره‌يل داوايش له‌ فراكسيۆنه‌يل كوردستانى له‌ ئه‌نجومه‌ن نوێنه‌ره‌يل عراقى كردن فشار بخه‌نه‌ بان به‌غدا ئه‌را كلكردن مووچه‌يليان و له‌ هه‌مان وه‌خت يه‌يش ره‌ته‌وكردن ك مووچه‌يليان له‌ حكومه‌ت هه‌رێم كوردستان وه‌ربگرن چوينكه‌ به‌شيگ له‌لى ئه‌وڕێد وه‌ گووره‌ێ سيستم پاشكه‌وتكردن ك كار وه‌پى ئه‌كريه‌ێد له‌ سه‌ره‌تاێ قه‌يران دارايى تائيسه‌.