هــــه‌واڵ كــوردى
گه‌شته‌يل ئاسمانى ناونى ته‌هران و هه‌ولێر ده‌س وه‌پى ئه‌كا

گه‌شته‌يل ئاسمانى ناونى ته‌هران و هه‌ولێر ده‌س وه‌پى ئه‌كا


شه‌فه‌ق نيوز/ له‌ هه‌ولێر پايته‌خت هه‌رێم كوردستان، ئاشكراى ده‌سوه‌پيكردن گه‌شته‌يل ئاسمانى كريا وه‌ل ته‌هران پايته‌خت ئيران و له‌ى باوه‌تيشه‌و قسه‌كه‌ر وه‌ناو وزاره‌ت جيوازكردن له‌ حكومه‌ت هه‌رێم كوردستان ئاماژه‌ وه‌ ئه‌وه‌ كرد شماره‌يگ له‌ وڵاته‌يل جه‌هان ئاشكراى ئاماده‌گى خوه‌يان كردنه‌ ئه‌را گامناين هاوشيوه‌ى له‌ مه‌سه‌له‌ێ گه‌شته‌يل.

 

ئومێد ساڵح قسه‌كه‌ر وه‌ناو وزاره‌ت جيوازكردن له‌ لێدوانيگ رووژنامه‌گه‌رى وت: شماره‌يگ له‌ وڵاته‌يل جه‌هان نياز ده‌سوه‌پيكردن گه‌شته‌يل ئاسمانييان ديرن وه‌ل هه‌رێم كوردستان و ئاماده‌گى خوه‌يان له‌ى ڕوييه‌و ده‌رخستنه‌.

 

جى باسه‌، ساڵح هه‌ميش وت: گه‌شته‌يل ئاسمانى ناونى ته‌ياره‌خانه‌ێ هه‌ولێر و ته‌هران له‌ كوتايى ئى هه‌فته‌ ده‌س وه‌پى ئه‌كا.