هــــه‌واڵ عــیراق
به‌غدادى له‌ هه‌وڵيگ كوده‌تا قورتارێ بوێ و هه‌ڕه‌شه‌ له‌ جه‌زائرى ئه‌كا

به‌غدادى له‌ هه‌وڵيگ كوده‌تا قورتارێ بوێ و هه‌ڕه‌شه‌ له‌ جه‌زائرى ئه‌كا


شه‌فه‌ق نيوز/ رووژنامه‌ى گارديان به‌ريتانى وت: ئه‌بو به‌كر به‌غدادى سه‌ركرده‌ى ريكخرياگ تيرۆريستى داعش ، قورتارێ بويه‌ له‌ هه‌وليگ كوده‌تاى ناوخوه‌يى له‌ مانگ گوزه‌يشت له‌بان ده‌س چه‌كداره‌يل بيگانه‌ له‌ خوه‌رئاواى سوريا.

 

سه‌رچه‌وه‌يليگ له‌ هه‌واڵگيرى رووژئاوايى ئويشن: دوير نيه‌ ئه‌و هه‌وڵ كوده‌تا له‌بان به‌غدادى له‌ناوخود رێكخريايه‌گه‌ بويه‌ له‌ 1ه‌ى يه‌ناير له‌ شاريگ نزيك ناوچه‌ى هه‌جين له‌ پاريزگاى دێره‌زۆر ك له‌تى ئه‌و چه‌كداره‌يل بيگانه‌ كه‌فتنه‌سه‌ جه‌نگه‌و وه‌ل پاسه‌وانه‌يل به‌غدادى، وه‌لێ به‌غدادى قورتارى بويه‌و واياننه‌سه‌ى وه‌ره‌و ناوچه‌يگ له‌ بياوان.

 

جى باسه‌، تومه‌ت ئى كاريشه‌ كرياسه‌ ئه‌بو مه‌عاز جه‌زائرى ك ده‌س له‌ى كرده‌وه‌ داشتگه‌، وه‌لێ داعش هه‌ڕه‌شه‌ له‌لى كردگه‌ و پاداشيگ ته‌رخان كردگه‌ ئه‌را هه‌ر كه‌سيگ بكوشێده‌ى.