هــــه‌واڵ عــیراق
سيستانى 5 چشت ئه‌را سه‌ركه‌فتن حكومه‌ت عه‌بدولمه‌هدى ديارى كرد

سيستانى 5 چشت ئه‌را سه‌ركه‌فتن حكومه‌ت عه‌بدولمه‌هدى ديارى كرد


شه‌فه‌ق نيوز/ عه‌لى سيستانى مه‌رجه‌ع باڵاى ئاينى له‌ نه‌جه‌ف پيشوازى به‌ يان كۆبيتش نوێنه‌ر ئه‌ميندار گشتى نه‌ته‌وه‌يل يه‌كگرتگ كرد وه‌ بوونه‌ى كووتاييهاتن ئه‌ركه‌گه‌ێ له‌ عراق.

 

سيستانى وه‌ گوورى به‌ياننامه‌ێ نويسينگه‌گه‌ێ وت: ئه‌ركه‌يل گه‌ورايگ ها وه‌رده‌م حكومه‌ت تازه‌و چه‌وڕێ ئه‌كا تا روخساره‌يل سه‌ركه‌فتن بوينێد له‌ كاره‌گه‌ێ و له‌وانه‌يش له‌ بوار دژه‌ گه‌نده‌ڵى و دابينكردن كار ئه‌را بيكاره‌يل و ئاوه‌دانكردنه‌وه‌ى ناوچه‌يل زه‌ره‌د له‌لى كه‌فتگ له‌ جه‌نگ و هاوردنه‌وه‌ى ئاواره‌يل ئه‌را شوونه‌يل خوه‌يان وه‌ شيوه‌يل شايسته‌ى و دابينكردن خزمه‌تگوزاريه‌يل خواست ئه‌را هاووڵاتيه‌يل وه‌شيوه‌ێگ گونجياێ.

 

جى باسه‌، جه‌تيش له‌بان هاوكارى ناونى كوتله‌يل سياسى كرد له‌ ئه‌نجومه‌ن نوێنه‌ره‌يل وه‌ل حكومه‌ت ئه‌را پيشخستن گامه‌يل راسكانى له‌ خاسه‌وكردن بارودوخ و جه‌ختيش له‌بان حورمه‌تگرتن سه‌روه‌رى عراق و ده‌خاڵه‌ت نه‌كردن له‌ كاروباره‌يلى كرد له‌لايه‌ن گشت ده‌وڵه‌ته‌يله‌و.