هــــه‌واڵ عــیراق
عه‌بدولمه‌هدى وه‌ بوونه‌ى هه‌ڵه‌بجه‌وه‌ سه‌رخوه‌شى له‌ كورد ئه‌كا

عه‌بدولمه‌هدى وه‌ بوونه‌ى هه‌ڵه‌بجه‌وه‌ سه‌رخوه‌شى له‌ كورد ئه‌كا


شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل عراقى، پرسه‌و سه‌ره‌خوه‌شى پيشكه‌ش وه‌ كورد كرد وه‌ بوونه‌ى ساڵياد كيمياوارن شار هه‌ڵه‌بجه‌.

 

عه‌بدولمه‌هدى له‌ به‌ياننامه‌يگ ئه‌را شه‌فه‌ق نيوز وت: ئمڕوو ساڵياد هه‌ڵه‌بجه‌ ئه‌كه‌يم ك يادوه‌ريمان پڕ كرد له‌ ژانه‌يليگ هويچ وه‌ختيگ له‌هويره‌و ناچێد وه‌ل زه‌خمه‌يليگ له‌ هه‌مه‌جيه‌ت ديكتاتۆرى هه‌ناى ك بڕيار دا په‌لامار بيتاوانه‌يل بيه‌ێد وه‌ غاز ژه‌هراوى كيمياوى له‌ له‌ناوبردنيگ وه‌جه‌م نائنسانى و وژدان گشت جه‌هان وه‌پى له‌رزان و رووژيگ تر سيه‌ بوێ له‌ تاوانه‌يل به‌عس سه‌دامى درهه‌ق رووڵه‌يل ملله‌ت كوردمان.

 

عه‌بدولمه‌هدى هه‌ميش وت: هه‌ڵه‌بجه‌ وه‌ نيشانه‌يگ فيداكارێ مينێد له‌بان ئه‌و دڕنده‌يى ديكتاتۆريه‌ته‌و پرسه‌و سه‌ره‌خوه‌شييش پيشكه‌ش  وه‌ كه‌س وكار قوربانيه‌يل كرد و ملله‌ت كورد وه‌و بوونه‌ى دڵته‌زنه‌.