هــــه‌واڵ عــیراق
ده‌سميه‌تده‌ر سه‌رۆك ئيرانى داواى قه‌ره‌بوو له‌ عراق ئه‌كا

ده‌سميه‌تده‌ر سه‌رۆك ئيرانى داواى قه‌ره‌بوو له‌ عراق ئه‌كا


شه‌فه‌ق نيوز/ مه‌عسومه‌ ئبتكار ده‌سميه‌تده‌ر سه‌رۆك ئيرانى ئه‌را كاروبار ژن و خيزان، داوا له‌ حكومه‌ت عراقى كرد قه‌ره‌بوو ئه‌و زه‌ره‌ده‌يله‌ بكا ك ره‌سيه‌سه‌ ژينگه‌ له‌ئاكام جه‌نگ ناونى هه‌ردوگ وڵات له‌ سه‌رده‌م سه‌دام حسين ك ماوه‌ى 8 ساڵ وه‌رده‌وام بوى.

 

ئبتكار له‌ توێته‌ر وت: بايه‌سه‌ قه‌ره‌بووه‌يل ژينگه‌يى له‌ئاكام جه‌نگ عراق و جه‌نگ كوه‌يت و ئه‌و زه‌ره‌ده‌يله‌ ك ره‌سيه‌ كه‌نداو ئزافه‌ت بكريه‌ێد، ك يه‌يش وه‌ ملياره‌ها دۆلار مه‌زه‌نه‌ ئه‌كريه‌ێد و له‌وه‌خت حكومه‌ت هه‌يشته‌م(حكومه‌ت وه‌رين محه‌مه‌د خاته‌مى) به‌رزه‌و كريا ئه‌را ليژنه‌ى نه‌ته‌وه‌يل يه‌كگرتگ ئه‌را قه‌ره‌بووكردن.

 

جى باسه‌، يه‌يش دوياى داواكاريه‌گه‌ى مه‌حمود سادقى سه‌رۆك ئه‌نجومه‌ن شوراى ئيرانى هات ئه‌را ئه‌وه‌گ عراق قه‌ره‌بوو ئه‌و زه‌ره‌ده‌يل بكا له‌ئاكام جه‌نگ هه‌يشت ساڵه‌ى ناونى هه‌ردوگ وڵات.