هــــه‌واڵ عــیراق
هاوپه‌يمان نيشتمانى خوازيار داناين ليژنه‌يگه‌ ئه‌را گفتگوو وه‌ل هه‌رێم كوردستان

هاوپه‌يمان نيشتمانى خوازيار داناين ليژنه‌يگه‌ ئه‌را گفتگوو وه‌ل هه‌رێم كوردستان


شه‌فه‌ق نيوز/ هاوپه‌يمان نيشتمانى و فه‌رمانڕه‌وا له‌ عراق، داواى خواست ئاڵشتكردن ئه‌ندامه‌يل كومسيۆن باڵاى سه‌روه‌خوه‌ى هه‌ڵوژاردنه‌يل كرد و له‌ هه‌مان وه‌خت جه‌ختيش له‌بان دامه‌زرانن ليژنه‌يگ سياسييش كرد ئه‌را گفتگوو وه‌ل هه‌رێم كوردستان.

 

هاوپه‌يمان نيشتمانى له‌ به‌ياننامه‌يگ ك(شه‌فه‌ق نيوز)ئاگادارى بوى ئه‌وه‌ ده‌رخست ك له‌ دانيشتن ليژنه‌ێ سياسى هاوپه‌يمانيه‌گه‌ وه‌ سه‌رۆكايه‌تى عه‌مار حه‌كيم باس روێداگه‌يل بار تازه‌ى ئاسايشى و سياسى له‌ عراق و ناوچه‌گه‌ كرياگه‌ وه‌ل ئه‌و سه‌ركه‌فتنه‌يله‌ ك جيوه‌جى بوينه‌ له‌ رووژه‌يل گوزه‌يشت.

 

به‌ياننامه‌گه‌ ئاماژه‌ وه‌يه‌يش كرد ك له‌ هه‌مان دانيشان ئاماده‌بويه‌يل مه‌سه‌له‌ى دريژه‌وكردن كار كومسيۆن ئيسه‌ێ هه‌ڵوژاردنه‌يل ره‌ته‌و كردنه‌ وه‌ل خواست هه‌ڵه‌په‌ڵه‌كردن ئه‌را دامه‌زرانن ليژنه‌يگ له‌وه‌ر هه‌ڵوژاردن ئه‌ندامه‌يل تازه‌يگ ئه‌و كومسيۆنه‌ وه‌ل دامه‌زرانن ليژنه‌يگيش سياسى ئه‌را گفتگوو وه‌ل هه‌رێم كوردستان و داناين پێوه‌ر و ته‌وه‌ر و وه‌خته‌يليگ تايبه‌ت وه‌ كاره‌يلى.