هــــه‌واڵ عــیراق
شاره‌زايگ: بودجه‌ى 2108 هويچ كه‌مكردنيگ تۆمار ناكا له‌ى حاڵه‌ته‌

شاره‌زايگ: بودجه‌ى 2108 هويچ كه‌مكردنيگ تۆمار ناكا له‌ى حاڵه‌ته‌


شه‌فه‌ق نيوز/ حه‌مزه‌ جه‌واهرى شاره‌زاى نه‌فتى پيشبينى ئه‌وه‌ كرد ك حكومه‌ت هويچ كه‌مييگ دارايى له‌ بودجه‌ى ساڵ ئاينده‌ى 2018 تۆمار ناكا له‌ حاڵه‌تيگ ك ئه‌گه‌ر نرخ نه‌فت وه‌رده‌وام به‌رز بدێ و جه‌خت له‌ وه‌رده‌وامى به‌رزى نرخ نه‌فتيش كرد له‌ساێ دريژه‌وكردن ريككه‌فتن ئۆپيك و ده‌وڵه‌ته‌يل به‌رهه‌مهاوه‌ر له‌ مه‌سه‌له‌ێ كه‌مه‌وكردن به‌رهه‌م نه‌فتى ئه‌را ساڵێگ تر.

 

جه‌واهرى له‌ باسيگ ك(شه‌فه‌ق نيوز)ئاگادارى بوى، وت: بودجه‌ى ساڵ ئاينده‌ به‌تاڵ ئه‌دێ له‌ هه‌ر كه‌مكردنيگ له‌ حاڵه‌تيگ ك ئه‌گه‌ر نرخ هه‌ر به‌رميليگ نه‌فت سه‌قامگير بدێ له‌بان نزيكه‌ى 62 دۆلار.

 

جى باسه‌، ناوبرياگ هه‌ميش وت: ريككه‌فتن ئى دوياخر ناونى ريكخرياگ ئۆپيك و ده‌وڵه‌ته‌يل به‌رهه‌مهاوه‌ر نه‌فته‌ له‌باره‌ى دريژه‌وكردن مه‌سه‌له‌ى كه‌مه‌وكردن به‌رهه‌م ئه‌را ماوه‌ى ساڵێگ تر پشتگيرى له‌ سه‌قامگيرى نه‌فت و به‌رزه‌وبوين نرخه‌يلى ئه‌كاو له‌وانه‌يش له‌ وه‌رز زمسان.