هــــه‌واڵ عــیراق
عراق داواى هاوردنه‌وه‌ى ده‌يان مليۆن دۆلار له‌ ريكخرياگيگ ئه‌كا

عراق داواى هاوردنه‌وه‌ى ده‌يان مليۆن دۆلار له‌ ريكخرياگيگ ئه‌كا


شه‌فه‌ق نيوز/ ئبراهيم جه‌عفه‌رى وه‌زير خارجيه‌ى عراقى، داوا له‌ كلكرياگ نه‌ته‌وه‌يل يه‌كگرتگ (يۆنامى) كرد ئاگادار ريكخرياگ كووچ ناوده‌وڵه‌تى بكا ئه‌را هاوردنه‌وه‌ى ئه‌و بڕه‌ داراييه‌ ك مه‌ندگه‌ له‌ زمه‌تى له‌ وه‌خت هه‌ڵوژاردنه‌يل ده‌يشت له‌ساڵ 2004 ك بڕ 57 مليۆن دۆلاره‌.

 

ئى داواكارى وه‌زير خارجيه‌ى عراقيه‌ له‌وه‌خت ديدارى وه‌ل يان كوبيتش نوێنه‌ر ئه‌منيدار گشتى نه‌ته‌وه‌يل يه‌كگرتگ له‌ عراق ئه‌نجام گرت.

 

جى باسه‌، جه‌عفه‌رى هه‌ميش وت: ئوميده‌واريم ته‌ئكيد بكه‌يم له‌بان پابه‌ندبوين كۆمه‌ڵگاى ناوده‌وڵه‌تى و ده‌وڵه‌ته‌يل دووس ك به‌شدارى كۆنگره‌ى ناوده‌وڵه‌تى كوه‌يت كردن ئه‌را به‌شدارى له‌ ئاوه‌دانكردنه‌وه‌ى ناوچه‌يل زه‌ردمه‌ن له‌ عراق.