هــــه‌واڵ كــوردى
ئه‌نداميگ كورد ره‌خنه‌ له‌ پشتگووشخستن هه‌ڵه‌بجه‌ گرت

ئه‌نداميگ كورد ره‌خنه‌ له‌ پشتگووشخستن هه‌ڵه‌بجه‌ گرت


شه‌فه‌ق نيوز/ رێزان شێخ دلێر ئه‌ندام ئه‌نجومه‌ن نوێنه‌ره‌يل عراقى له‌بان فراكسيۆن يه‌كێتى نيشتمانى كوردستان، ره‌خنه‌ له‌وه‌ گرت ك حكومه‌ت له‌باره‌ى بودجه‌ پاريزگاى هه‌ڵه‌بجه‌ پشتگووش خستگه‌و يه‌يش وه‌و په‌لامار كيمياويه‌ تاريف كرد ك چه‌ته‌يل ويرانكه‌ر ئه‌نجامى دان ئه‌را بان ئه‌و شاره‌ له‌ ساڵ 1988.

 

شێخ دلێر له‌ به‌ياننامه‌يگ ئه‌را(شه‌فه‌ق نيوز)وت: پاريزگاى شماره‌ 19 له‌ بودجه‌ ياد نه‌كرياگه‌و نازانيم ناوى له‌ بودجه‌ دانرياگه‌ يا مه‌سه‌له‌يگ تره‌، چوينكه‌ نه‌بايه‌د حكومه‌ت رووڵه‌و دام و ده‌زگاو پاريزگايه‌يلى له‌هويره‌و بووه‌ێد و باس له‌وه‌يش كرد ك هه‌ڵه‌بجه‌ له‌ بودجه‌ى 2018 ياد نه‌كرياگه‌ ك يه‌يش پشتگووشخستنيگ ئاشكراس وه‌رانوه‌ر رووڵه‌يل ئه‌و پاريزگا.

 

جى باسه‌، شێخ دلێر هه‌ميش وت: بايه‌سه‌ له‌بان ئه‌نجومه‌ن نوێنه‌ره‌يل بودجه‌گه‌ كله‌و بكا ئه‌را حكومه‌ت له‌وه‌ر ئه‌وه‌گ ماف پاريزگاى هه‌ڵه‌بجه‌يش له‌تى ديارى بكاو نه‌بايه‌د له‌يوا وه‌بى وه‌رگرتن هويچ موخه‌سه‌سايگ بمينێد چ له‌ حكومه‌ت ناوه‌ندى يا هه‌رێم كوردستان.