هــــه‌واڵ عــیراق
بڕيارده‌ريگ ئيرانى: به‌رهه‌م و عه‌بدولمهدى خاستر له‌ په‌يوه‌ندى ناونيمان ره‌سنه‌و

بڕيارده‌ريگ ئيرانى: به‌رهه‌م و عه‌بدولمهدى خاستر له‌ په‌يوه‌ندى ناونيمان ره‌سنه‌و


شه‌فه‌ق نيوز/ حشمه‌توڵلا فه‌لاحه‌ت پيشه‌، سه‌رۆك ليژنه‌ى ئاسايش نيشتمانى و سياسه‌ت خارجى له‌ ئه‌نجومه‌ن شوراى ئيرانى، جه‌خت له‌وه‌ كرد ك سه‌رۆك كۆمار تازه‌ى عراق و سه‌رۆك وه‌زيره‌يل تازه‌ له‌ په‌يوه‌نديه‌يل ناونى عراق و ئيران خاستر له‌ وه‌رپرسه‌يل وه‌رين ره‌سنه‌و، هه‌ر وه‌و خاتريشه‌ دڵنيايى خوه‌ى ده‌رخست له‌وه‌گ حكومه‌ت تازه‌ى عراقى هويچ ريڕه‌ويگ ئه‌را پشتگيرى سزايه‌يل ئه‌مريكى دژ ئيران نه‌يرێد.

 

له‌ى باوه‌ته‌و، ئاژانش "خانه‌ ملله‌ت" سه‌ر وه‌ ئه‌نجومه‌ن شوراى ئسلامى وت: فه‌لاحه‌ت پيشه‌ باس له‌وه‌ كردگه‌ ك قه‌واره‌ى فشاره‌يل ئه‌مريكى له‌بان عراق هه‌رچه‌نيگ بدێ، سه‌رۆك كۆمار و سه‌رۆك وه‌زيره‌يل تازه‌ خاستر له‌ وه‌رپرسه‌يل وه‌رجه‌ خوه‌يان له‌ په‌يوه‌نديه‌يل ئيرانى - عراقى ره‌سنه‌و.

 

جى باسه‌، فه‌لاحه‌ت پيشه‌ خوه‌شاڵى خوه‌يشى ده‌رخست وه‌ هه‌ڵوژارنن به‌رهه‌م ساڵح ئه‌را سه‌رۆك كۆمار تازه‌ى عراق و وت: كۆمار ئسلامى ئيران خوه‌شاڵه‌ وه‌پى و خوه‌شاڵيشه‌ وه‌ عادل عه‌بدولمهدى ئه‌را سه‌رۆك وه‌زيره‌يل عراقى.