ئابوورى
ئئتلاف مالكى: كاره‌يليگ مه‌ترسيدار له‌ دوسيه‌ى كومپانيايه‌يل نه‌فتى ئه‌نجام درياگه‌

ئئتلاف مالكى: كاره‌يليگ مه‌ترسيدار له‌ دوسيه‌ى كومپانيايه‌يل نه‌فتى ئه‌نجام درياگه‌


شه‌فه‌ق نيوز/ عاليه‌ نسه‌يف ئه‌ندام له‌بان كوتله‌ى ده‌وڵه‌ت ياسا، له‌نوو داوا له‌ سه‌رۆك وه‌زيره‌يل كرد مراجعه‌ى بڕيگ له‌ دامه‌زراننه‌يل وه‌ وه‌كاله‌ت بكا ك دوير له‌ رێ وشوونه‌يل ياسايى ئه‌نجام گرتگه‌ وه‌ هاتن كه‌سه‌يليگ سه‌رپيچى دارايى و ئدارى ئه‌نجام دانه‌.

 

نسه‌يف له‌ به‌ياننامه‌يگ وت: زويتر دوسيه‌يگ ده‌سه‌ى ده‌سپاكى ته‌سليم كرديم ك نموونه‌يگ له‌ سه‌رپيچى و وه‌ڕيخستن و په‌كخستن باج گشتى له‌تى بويه‌و داوايش له‌ ده‌سه‌ى ده‌سپاكى ئه‌كه‌يم دقه‌ت له‌ كار ليژنه‌ى هونه‌رى بكا ك له‌لاين وه‌ڕيه‌وبه‌ر گشتى زه‌ريبه‌ وه‌ وكاله‌ت دامه‌زرياگه‌ ك كاره‌يل هه‌واڵه‌ى ئى ليژنه‌ ئه‌كريه‌ن ك خوى ناتويه‌نێد جيوه‌جييان بكا و داوا له‌ ئه‌ندامه‌يل ليژنه‌گه‌ ئه‌كا ئه‌را وه‌ڕيخستنيان جوور مه‌سه‌له‌ى كۆمپانياى به‌يار عه‌لى ئه‌ويش له‌وه‌ر مه‌ترسى له‌خوه‌ى له‌ى كاره‌يله‌.

 

جى باسه‌، نسه‌يف هه‌ميش وت: ئه‌گه‌ر ده‌سه‌ى ده‌سپاكى يا سه‌رۆكايه‌تى وه‌زيره‌يل بڕياره‌يل له‌ى ليژنه‌ بكيشێده‌و ك له‌ساڵه‌يل 2017و 2018 ده‌رچينه‌، ئه‌وه‌ دوينێد كاره‌يليگ مه‌ترسيدار له‌ وه‌ڕيخستن له‌تيان وجوود ديرێد ك بڕيگ له‌ليان تايبه‌ته‌ وه‌ كۆمپانيايه‌يل نه‌فت و داوه‌زانن نائاسايى.