هــــه‌واڵ عــیراق
سه‌كووه‌ به‌رزه‌گه‌ێ له‌سێداره‌داين‌ داعش ئۆكستراى عراقى ئاهه‌نگ له‌تى سازئه‌كا

سه‌كووه‌ به‌رزه‌گه‌ێ له‌سێداره‌داين‌ داعش ئۆكستراى عراقى ئاهه‌نگ له‌تى سازئه‌كا


شه‌فه‌ق نيوز/ له‌ به‌رزايى ئه‌و سه‌كووه‌ ك ريكخرياگ تيرۆريستى داعش مه‌ردم له‌ موسڵ له‌تى دياد له‌سێداره‌، تيم ئۆكستراى عراقى ئاهه‌نگيگ هونه‌رى له‌تى سازكرد وه‌ سه‌رپه‌رشى مايسترۆ كه‌ريم وه‌سفى.  

 

ئه‌و ئاهه‌نگه‌ له‌چوارچێوه‌ى كارنامه‌يگه‌ ك له‌لايه‌ن ئاژانس په‌ره‌داين USAID پشتگيرى ئه‌كريه‌ێد له‌وه‌ر زاڵبوين له‌بان ناسه‌قامگيرى له‌ڕێ(هونه‌ر ئه‌را ئاشتى).

 

ئه‌و باڵه‌خانه‌ێ رمياگيشه‌ له‌ موسڵ ك ئاهه‌نگه‌ له‌وه‌رده‌مى ساز كريا، "ئۆرزدى باك" بوێ ك يه‌كه‌مين مۆڵيگ بوێ له‌ عراق ك له‌ساڵه‌يل هه‌فتاى سه‌ده‌ى وه‌رين دامه‌زرياو دوياخريش ئاڵشت كريا بڕيگ ده‌زگاى حكومى و له‌وه‌ختيگيش داعش هاته‌ ناو موسڵ له‌ ناوڕاس ساڵ 2014 باڵه‌خانه‌گه‌ بويه‌ سه‌كوو له‌سێداره‌داين.