هــــه‌واڵ كــوردى
بارزانى: حورمه‌ت كارگه‌ره‌يل نيشانه‌ى په‌ره‌سه‌ندن ئنسانى وئابووريه‌

بارزانى: حورمه‌ت كارگه‌ره‌يل نيشانه‌ى په‌ره‌سه‌ندن ئنسانى وئابووريه‌


شه‌فه‌ق نيوز/ مه‌سعود بارزانى سه‌رۆك هه‌رێم كوردستان، جه‌خت له‌وه‌ كرد ك حورمه‌ت له‌ مافه‌يل كارگه‌ره‌يل و هه‌وڵداين ئه‌را خاسه‌وكردن بار مه‌عيشه‌ت و ئابوورى و چه‌وديرى گوزرانيان و مامڵه‌كردن وه‌ليانا وه‌ شيوه‌يگ دادگه‌رانه‌ نيشانه‌ى په‌ره‌سه‌ندن ئنسانى و ئابووريه‌.

 

بارزانى له‌ لاپه‌ڕه‌ى خوه‌ى له‌ ماڵپه‌ڕ كۆمه‌ڵايه‌تى فه‌يسبوك ك(شه‌فه‌ق نيوز)ئاگادارى بوى، نويساگه‌: وه‌ بوونه‌ى جه‌شن كارگه‌ره‌يل  و جه‌شن جه‌هانى كارگه‌ره‌يل جوانترين موباره‌كبايى كه‌يم له‌ گشت كارگه‌ره‌يل كوردستان و سه‌نديكايه‌يل كارگه‌رى له‌ كوردستان و ئه‌و ريكخرياگه‌يله‌ ك وه‌رگرى له‌ گشت مافه‌يل كارگه‌ر ئه‌كه‌ن.

 

بارزانى هه‌ميش نويساگه‌: كارگه‌ره‌يل چينيگ خه‌باتكه‌ر و هه‌وڵده‌رن له‌ نيشتمان و رۆڵ كارا ديرن له‌ په‌ره‌داين ئابوورى ئه‌را كومه‌ڵگاو ده‌سه‌وه‌ركردن ئاسايش و سه‌قامگيرى و به‌خته‌وه‌رى ئه‌را هاووڵاتيه‌يل و حورمه‌تگرتن مافه‌يل ئى چينه‌ و هه‌وڵداين ئه‌را خاسه‌وكردن بار مه‌عيشه‌ت و ئابوورى و چه‌وديرى گوزرانيان و مامڵه‌كردن وه‌ليانا وه‌ شيوه‌يگ دادگه‌رانه‌ نيشانه‌ى په‌ره‌سه‌ندن ئنسانى و ئابووريه‌، ئاماژه‌ وه‌يه‌يش كردگه‌ ك بايه‌سه‌ له‌بان هه‌رێم كوردستان وه‌ى ريڕه‌وه‌ گام بنه‌ێد و له‌ هه‌مان وه‌خت رۆڵ ئى چينه‌ به‌رز نرخانگه‌و ئوميد خوه‌شاڵى و سه‌ركه‌فتنيش ئه‌را كارگه‌ره‌يل كرد.