هــــه‌واڵ عــیراق
رافده‌ين وه‌جبه‌يگ تازه‌ له‌ سلفه‌ى خانه‌نشينه‌يل دابه‌شكرد

رافده‌ين وه‌جبه‌يگ تازه‌ له‌ سلفه‌ى خانه‌نشينه‌يل دابه‌شكرد


شه‌فه‌ق نيوز/ باانك رافده‌ين ئاشكراى دابه‌شكردن وه‌جبه‌ى تازه‌يگ له‌ سلفه‌ى خانه‌نشينه‌يل مه‌ده‌نى و سه‌ربازى كرد ك بڕ 3 مليۆن ديناره‌ له‌ڕێ كارت ئه‌لكترۆنى.

 

نويسينگه‌ى ره‌سانن بانك رافده‌ين له‌ به‌ياننامه‌يگ ئه‌را شه‌فه‌ق نيوز وت: وه‌جبه‌ى تازه‌يگ له‌ سلفه‌ى خانه‌نشينه‌يل مه‌ده‌نى ئه‌را نزيكه‌ى 1989 خانه‌نشينه‌يل مه‌ده‌نى و نزيكه‌ى 2666 ئه‌را خانه‌نشينه‌يل سه‌ربازى دابه‌ش كرياگه‌.

 

به‌ياننامه‌گه‌ هه‌ميش وت: دابه‌شكردن ئه‌و سلفه‌ له‌رێ ئاگاداركردن خود خانه‌نشينه‌گه‌ بويه‌ وه‌ نامه‌يگ ئه‌را وه‌رگرتن ئه‌و سلفه‌ دوياى تىمامكردن ڕێ وشوونه‌يل ياسايى ئه‌را وه‌رگرتنى له‌ڕێ كارت ئه‌لكترۆنى.